Amos 2:1-16
2 “Ini an siring ni Jehova,‘“Tungod han tulo nga pagrebelde* han Moab,+ ngan tungod han upat, diri ko ito babag-uhon,Kay iya ginsunog an mga tul-an han hadi han Edom basi magin apog.
2 Salit magpapadara ako hin kalayo ngada ha Moab,Ngan uugtangon hito an magrig-on nga mga torre han Keriot;+An Moab mamamatay samtang nahitatabo an kasamok,Nga may singgit han pakiggirra, nga may tunog hin sungay.+
3 Kukuhaon ko an magmarando* ha butnga niya
Ngan pamamatayon an ngatanan niya nga prinsipe upod niya,”+ nasiring hi Jehova.’
4 Ini an siring ni Jehova,‘Tungod han tulo nga pagrebelde han Juda,+ ngan tungod han upat, diri ko ito babag-uhon,Kay ira iginsalikway an balaud* ni Jehova,Ngan tungod kay waray nira sunda an iya mga regulasyon;+Lugod an pariho nga kabuwaan nga ginsunod han ira mga kaapoy-apoyan nagpasimang ha ira.+
5 Salit magpapadara ako hin kalayo ngada ha Juda,Ngan uugtangon hito an magrig-on nga mga torre han Jerusalem.’+
6 Ini an siring ni Jehova,‘Tungod han tulo nga pagrebelde han Israel,+ ngan tungod han upat, diri ko ito babag-uhon,Kay ira iginbaligya an matadong para hin silber,Ngan an pobre para hin usa ka padis nga sandalyas.+
7 Ira gintatamak-tamakan an ulo han mga ubos ngada ha tapotapo ha tuna,+Ngan ginbabalabgan nira an dalan han maaghop.+An lalaki ngan an iya tatay nakikighilawas ha pariho nga babaye,Ginpapasiparahan an akon baraan nga ngaran.
8 Nanhihigda hira ha sapit han tagsa nga halaran+ dida ha mga bado nga ira ginkuha sugad nga garantiya para ha utang;*+Ngan an bino nga ira gin-iinom ha balay* han ira mga dios ginkuha tikang ha ira mga ginpamulta.’
9 ‘Pero ako an nagpoo han mga Amorita ha ira atubangan,+Nga sugad kahitaas han mga kahoy nga sedro ngan sugad karig-on han mga kahoy nga roble;Akon gindaot an bunga hito ngan an mga ugat hito.+
10 Igin-gawas ko kamo ha tuna han Ehipto,+Ngan ginpabaktas ko kamo dida ha kamingawan hin 40 ka tuig,+Basi pagtag-iyahon an tuna han mga Amorita.
11 Ginpili ko an iba han iyo mga anak sugad nga mga propeta+Ngan an iba han iyo mga batan-on sugad nga mga Nazareo.+
Diri ba ini gud an angay mahitabo, O katawohan han Israel?’ nasiring hi Jehova.
12 ‘Pero padayon nga gintagan niyo an mga Nazareo hin bino nga maiinom,+Ngan ginsugo niyo an mga propeta: “Ayaw kamo pagtagna.”+
13 Salit dudugmukon ko kamo dida ha iyo lugar,Sugad hin karomata nga kargado hin ginarab nga mga uhay nga nagdudugmok han gintataraan hito.
14 An malaksi waray lugar nga mapapalagiwan,+An makusog mauubosan hin kusog,Ngan waray girriro nga makakatalwas han iya kinabuhi.*
15 An parapamana diri makakapabilin ha iya pwesto,An malaksi dumalagan diri makakapalagiw,Ngan an parapangabayo diri makakatalwas han iya kinabuhi.*
16 Bisan an pinakamaisog* ha mga girriroMapalagiw nga hubo hito nga adlaw,’+ nasiring hi Jehova.”
Mga footnote
^ O “mga krimen.”
^ Lit., “hukom.”
^ O “instruksyon.”
^ O “templo.”
^ O “sugad nga kolateral.”
^ O “kalag.”
^ O “kalag.”
^ O “mga magrig-on an kasingkasing.”
