Ezekiel 19:1-14
-
Kanta nga masurub-on para ha mga lider han Israel (1-14)
19 “Pagkanta hin kanta nga masurub-on* mahitungod han mga lider han Israel
2 ngan siring,‘Ano hadto an imo nanay? Usa nga leon nga babayé ha butnga han mga leon.
Linuob hiya ha butnga han magkusog nga bata pa nga mga leon ngan nag-ataman han iya mga nati.
3 Iya ginpadaku an usa han iya mga nati, ngan nagin makusog hiya nga bata nga leon.+
Nahibaro hiya pagkuniskunis han iya biktima,Naglamoy pa ngani hiya hin mga tawo.
4 An mga nasud nakabati mahitungod ha iya ngan ginlit-ag hiya ha ira buho,Ngan gindara nira hiya ha tuna han Ehipto pinaagi hin mga kaw-it.+
5 An nanay nga leon naghinulat ngan ha urhi nakasantop nga diri na hiya mabalik.
Salit ginkuha niya an usa pa han iya mga nati ngan ginhimo hiya nga makusog nga bata nga leon.
6 Naglakat-lakat liwat hiya ha butnga han mga leon ngan nagin makusog nga bata nga leon.
Nahibaro hiya pagkuniskunis han iya biktima, ngan naglamoy pa ngani hiya hin mga tawo.+
7 Naglibot-libot hiya dida ha ira magrig-on nga mga torre ngan ginpanbungkag an ira mga syudad,Salit an iya pag-uwang nabatian ha bug-os nga binayaan nga tuna.+
8 An mga nasud tikang ha nakapalibot nga mga distrito nagkaabot kontra ha iya basi bitaron ha bawbaw niya an ira pukot,Ngan nalit-ag hiya ha ira buho.
9 Pinaagi hin mga kaw-it ginbutang nira hiya ha hawla ngan gindara ha hadi han Babilonya.
Didto ginpriso nira hiya, basi an iya tingog diri na mabatian ha kabukiran han Israel.
10 An imo nanay pariho hin tanom nga ubas*+ nga igintanom ha ligid han katubigan.
Namunga ito ngan napuno hin mga sanga tungod han abunda nga tubig.
11 Nagkaada ito magrig-on nga mga sanga,* nga angayan magin mga setro han mga magmarando.
Tinubo ito ngan linabaw ha iba nga mga kahoy,Ngan nakita ito tungod han kahitaas hito ngan tungod han karampag hito.
12 Kondi tungod han duro nga kasina gin-gabot hiya+ ngan iginlabog ha tuna,Ngan nauga an iya bunga tungod han hangin nga tikang ha este.
An iya magrig-on nga mga sanga ginpanbari ngan nauga,+ ngan gin-ugtang ito han kalayo.+
13 Yana igintanom hiya ha kamingawan,Ha waray tubig ngan uga nga tuna.+
14 An kalayo nagsarang tikang ha iya mga sanga* ngan gin-ugtang an iya mga saringsing ngan an iya bunga,Ngan waray nahisalin nga marig-on nga sanga, waray setro para ha pagmando.+
“‘Kanta ito nga masurub-on, ngan magpapabilin ito nga kanta nga masurub-on.’”
Mga footnote
^ O “kanta han pagtaguminatay.”
^ Lit., “tanom nga ubas ha imo dugo.”
^ O “mga tungkod.”
^ O “mga tungkod.”
