Hosea 2:1-23
2 “Siring ha iyo kabugtoan nga lalaki, ‘Akon katawohan!’*+
Ngan ha iyo kabugtoan nga babaye, ‘O babaye nga ginkalooyan!’*+
2 Akusari an iyo nanay; akusari hiya,Kay diri ko hiya asawa+ ngan diri ako niya bana.
Angay hiya umundang ha iya pagbuhat hin prostitusyon*
Ngan ha iya pag-adulteryo ha butnga han iya dughan,
3 Para diri ko hiya huboan ngan himoon hiya nga pariho ha adlaw han iya katawo,Himoon hiya nga sugad hin kamingawan,Himoon hiya nga tuna nga waray tubig,Ngan pahinaboon nga mamatay hiya ha kauhaw.
4 Ngan diri ako magpapakita hin kalooy ha iya mga anak,Kay mga anak hira ha iya pagbuhat hin prostitusyon.*
5 Kay an ira nanay nagbuhat hin prostitusyon.*+
Hiya nga nagburod ha ira nagbuhat hin kaarawdan,+ kay nagsiring hiya,‘Lalanaton ko an akon mga karelasyon,+An mga nahatag ha akon han akon tinapay ngan han akon tubig,Han akon tela nga de-lana ngan han akon lino, han akon lana ngan han akon irimnon.’
6 Salit akon babalabgan an imo dalan hin tanom nga tunukon;Ngan magtitindog ako hin pader nga bato kontra ha iya,Basi diri niya mabilngan an iya mga dalan.
7 Lalanaton niya an iya mga karelasyon, pero diri niya hira maaabtan;+Pamimilngon niya hira, pero diri niya hira mabibilngan.
Katapos, masiring hiya, ‘Mabalik ako ngadto ha akon siyahan nga bana,+Kay mas maopay an akon kahimtang hadto kay han yana.’+
8 Waray niya masantop nga ako an naghatag ha iya han lugas,*+ han bag-o nga bino, ngan han lana,Ngan ako an naghatag ha iya hin damu nga silber
Ngan bulawan, nga ira gin-gamit para kan Baal.+
9 ‘Salit, mabalik ako ngan kukuhaon an akon lugas ha panahon han pangani
Ngan an akon bag-o nga bino ha panahon hito,+Ngan akon aagawon an akon tela nga de-lana ngan an akon lino nga igintatabon ha iya pagkahubo.
10 Yana akon ipapakita an pribado nga mga parte han iya lawas ha iya mga karelasyon,Ngan waray tawo nga makakatalwas ha iya tikang ha akon kamot.+
11 Pauundangon ko an ngatanan niya nga kalipay,An iya mga piyesta,+ an iya mga dulom, an iya mga sabbath, ngan an ngatanan niya nga itinanda nga piyesta.
12 Ngan akon bubungkagon an iya mga tanom nga ubas ngan an iya mga kahoy nga igos, nga mahitungod hito hiya nagsiring:
“Ini an mga bayad ha akon, nga iginhatag ha akon han akon mga karelasyon”;Hihimoon ko ito nga kagurangan,Ngan an ihalas nga mga hayop ha tuna maglalamoy hito.
13 Sisirotan ko hiya tungod han mga adlaw nga naghalad hiya hin mga halad ha mga imahen ni Baal,+Han nagpahusay hiya pinaagi han iya mga ariyos ngan mga adorno ngan naglanat ha iya mga karelasyon,Ngan ako an iya ginkalimtan,’+ siring ni Jehova.
14 ‘Salit kukombinsihon ko hiya,Gigiyahan ko hiya ngadto ha kamingawan,Ngan magyayakan ako basi maabot an iya kasingkasing.
15 Ibabalik ko ha iya an iya mga urubasan tikang hito nga panahon ngan padayon,+Ngan an Walog* han Acor+ sugad nga ganghaan ngadto ha paglaom;Mabaton hiya didto pariho ha mga adlaw han iya pagkabatan-on,Pariho han adlaw nga ginawas hiya ha tuna han Ehipto.+
16 Ngan hito nga adlaw,’ siring ni Jehova,‘Tatawagon mo ako nga Akon bana, ngan diri mo na ako tatawagon nga Akon agaron.’*
17 ‘Kukuhaon ko an mga ngaran han mga imahen ni Baal tikang ha iya baba,+Ngan diri na hira mahinunumdoman pinaagi han ira ngaran.+
18 Hito nga adlaw maghihimo ako hin kasabotan para ha ira kaupod han ihalas nga mga hayop ha kapatagan,+Ngan kaupod han mga tamsi ha langit ngan han nagkakamang nga mga linarang ha tuna;+Kukuhaon ko ha tuna an pana ngan an espada ngan an girra,+Ngan pahihigdaon* ko hira nga may seguridad.+
19 Kukuhaon ko ikaw sugad nga akon asawa ha kadayonan;Ngan kukuhaon ko ikaw sugad nga akon asawa uyon ha katadongan ngan ha hustisya,Ha maunungon nga gugma ngan ha kalooy.+
20 Kukuhaon ko ikaw sugad nga akon asawa uyon ha pagkamatinumanon,Ngan makikilala mo gud hi Jehova.’+
21 ‘Hito nga adlaw mabaton ako,’ siring ni Jehova,‘Babatunon ko an langit,Ngan mabaton ito ha tuna;+
22 Ngan an tuna mabaton ha lugas ngan ha bag-o nga bino ngan ha lana;Ngan mabaton ito ha Jezreel.*+
23 Igsasabwag ko hiya pariho hin binhi para ha akon dida ha tuna,+Ngan magpapakita ako hin kalooy ha iya nga waray kalooyi;*
Masiring ako ha mga diri ko katawohan:* “Kamo an akon katawohan,”+Ngan hira masiring: “Ikaw an amon Dios.”’”+
Mga footnote
^ O “imoralidad; pagin makihilawason.”
^ O “imoralidad; pagin makihilawason.”
^ O “nagbuhat hin imoralidad (nagin makihilawason).”
^ O “Hamubo nga Kapatagan.”
^ O “Akon Baal.”
^ O “pauukyon.”
^ Nangangahulogan nga “An Dios Magsasabwag hin Binhi.”
