Hosea 9:1-17
9 “Ayaw pagrayhak, O Israel,+Ayaw paglipay pariho ha mga katawohan.
Kay tungod han prostitusyon* nagpahirayo kamo ha iyo Dios.+
Nahigugma kamo ha mga bayad para ha hostes ha tagsa nga giriokan han lugas.+
2 Pero an giriokan ngan purog-an nga panbino diri magpapakaon ha ira,Ngan mawawad-an hira hin bag-o nga bino.+
3 Diri hira padayon nga maukoy ha tuna ni Jehova;+Lugod, an Efraim mabalik ha Ehipto,Ngan ha Asirya makaon hira han mahugaw.+
4 Diri na hira mag-iipis hin bino nga mga halad kan Jehova;+An ira mga halad diri makakapalipay ha iya.+
Pariho hira han tinapay ha pagtaguminatay;An ngatanan nga makaon hito maghuhugaw ha ira kalugaringon.
Kay an ira tinapay para la ha ira;*
Diri ito mahingangadto ha balay ni Jehova.
5 Ano an iyo bubuhaton ha adlaw han katirok,*Ha adlaw han piyesta ni Jehova?
6 Kay kitaa! mapalagiw gud hira tungod han kabungkagan.+
Titirukon hira han Ehipto,+ ngan iglulubong hira han Memfis.+
Manunurok an tunukon nga mga tanom ha ira marahalon nga mga butang nga tikang ha silber,Ngan magkakaada tunukon nga kakahoyan an ira mga tolda.
7 An mga adlaw han paghukom maabot,+An mga adlaw han pagsirot maabot,Ngan mahibabaro hito an Israel.
An ira propeta malulurong, ngan an tawo nga giniyahan mabubuang;Tungod kay an iyo sayop damu gud, an pagdumot ha iyo daku gud.”
8 An bantay+ han Efraim kaupod han akon Dios.+
Pero yana an ngatanan nga buhat han iya mga propeta+ sugad han mga lit-ag han parapanakop hin tamsi;May-ada pagdumot dida ha balay han iya Dios.
9 Nahidabi gud hira ha pagbungkag, sugad han nahitabo ha mga adlaw han Gibeah.+
Iya hinunumdoman an ira sayop ngan sisirotan hira tungod han ira mga sala.+
10 “Pariho hin mga ubas ha kamingawan han nahiagian ko an Israel.+
Pariho han siyahan nga mga bunga han una nga pamunga han kahoy nga igos han nakita ko an iyo mga kaapoy-apoyan.
Pero kinadto hira ha Baal han Peor;+Ira igindedikar an ira kalugaringon ha makaarawod nga butang,*+Ngan nagin mangil-ad hira pariho han butang nga ira hinigugma.
11 An himaya han Efraim nalupad pahirayo pariho hin tamsi;Waray pagpanganak, waray pagburod, ngan waray pagmabdos.+
12 Bisan kon magpadaku hira hin mga anak,Kukuhaon ko hira tubtob nga waray bisan usa nga mahisalin;+Oo, kairo nira kon bayaan ko hira!+
13 An Efraim, nga igintanom ha panabsaban, pariho han Tiro ha akon pagkita;+Yana kinahanglan dad-on han Efraim an iya mga anak ngadto ha paratayan.”
14 O Jehova, ihatag ha ira an angay mo ihatag ha ira;Usa nga tagoangkan nga napupunitan ngan mamara* nga mga suso.
15 “An ngatanan nira nga karaotan nahitabo ha Gilgal,+ kay didto nangalas ako ha ira.
Paiiwason ko hira ha akon balay tungod han ira magraot nga mga buhat.+
Diri ko na hira hihigugmaon;+An ngatanan nira nga prinsipe matig-a an ulo.
16 An Efraim madadaot.+
An ira gamot mauuga, ngan diri hira mamumunga.
Bisan kon mag-anak hira, akon papatayon an ira minayuyo nga anak.”
17 Isasalikway hira han akon Dios,Kay waray hira mamati ha iya,+Ngan magigin mga puga hira dida ha mga nasud.+
Mga footnote
^ O “imoralidad; pagin makihilawason.”
^ O “para ha ira kalag.”
^ O “iyo itinanda nga piyesta.”
^ O “ha makaarawod nga dios.”
^ O “nakupos.”
