Isaias 2:1-22
2 Ini an nakita ni Isaias nga anak nga lalaki ni Amoz mahitungod han Juda ngan Jerusalem:+
2 Ha ultimo nga bahin han mga adlaw,*An bukid han balay ni JehovaMaiestablisar hin marig-on ha bawbaw han pungkay han kabukiran,+Ngan pahihitas-on ito ha bawbaw han mga bungtod,Ngan an ngatanan nga nasud magbuburuyuboy ngada hito.+
3 Ngan damu nga mga katawohan an makadto ngan masiring:
“Tana, sagka kita ha bukid ni Jehova,Ha balay han Dios ni Jacob.+
Tututdoan kita niya mahitungod han iya mga dalan,Ngan malakat kita ha iya mga aragian.”+
Kay an balaud* magawas ha Zion,Ngan an pulong ni Jehova magawas ha Jerusalem.+
4 Magpapadapat hiya hin paghukom ha mga nasudNgan magtatadong* han mga butang may kalabotan ha damu nga mga katawohan.
Ira papandayon an ira mga espada basi magin mga punta han aradoNgan an ira mga bangkaw basi magin mga garab.+
An nasud diri mag-aalsa hin espada kontra ha iba nga nasud,Ngan diri na hira mag-aaram hin pakiggirra.+
5 O panimalay ni Jacob, tana,Sundan naton an kalamrag ni Jehova.+
6 Kay imo ginpabay-an an imo katawohan, an panimalay ni Jacob,+Tungod kay napuno hira han mga butang nga tikang ha Este;Nagbubuhat hira hin madyik+ pariho han mga Filisteo,Ngan ha butnga nira damu an mga anak han mga taga-iba nga nasud.
7 An ira tuna puno hin silber ngan bulawan,Ngan waray tubtoban an kadamu han ira mga bahandi.
An ira tuna puno hin mga kabayo,Ngan waray tubtoban an kadamu han ira mga karuwahe.+
8 An ira tuna puno hin waray pulos nga mga dios.+
Nayukbo hira ha binuhat han ira kalugaringon nga mga kamot,Ha hinimo han ira kalugaringon nga mga tudlo.
9 Salit an tawo nayukbo, nagigin ubos hiya,Ngan diri mo gud hira mapapasaylo.
10 Sulod ha bato ngan tago ha tapotapo,Tungod han makaharadlok gud nga presensya ni JehovaNgan han iya himaya ngan pagkaharangdon.+
11 An mapahitas-on nga mga mata han tawo pauubson,Ngan an arogante nga mga tawo mayukbo.*
Hito nga adlaw hi Jehova gud la an pahihitas-on.
12 Kay ito an adlaw ni Jehova han mga hugpo.+
Maabot ito ha ngatanan nga mapahitas-on ngan hambog,Ha ngatanan, ginpahitaas man o ubos,+
13 Ha ngatanan nga kahoy nga sedro ha Lebanon nga higtaas ngan ginpahitaasNgan ha ngatanan nga kahoy nga roble ha Basan,
14 Ha ngatanan nga higtaas nga bukidNgan ha ngatanan nga higtaas nga bungtod,
15 Ha tagsa nga hitaas nga torre ngan ha tagsa nga marig-on nga pader,
16 Ha ngatanan nga barko han Tarsis+Ngan ha ngatanan nga makaruruyag nga sakayan ha dagat.
17 An mapahitas-on nga tawo pauubson,Ngan an arogante nga mga tawo mayukbo.*
Hito nga adlaw hi Jehova gud la an pahihitas-on.
18 An waray pulos nga mga dios mawawara gud.+
19 Ngan an mga tawo masulod ha mga lungib han mga bato
Ngan ha mga buho ha tuna,+Tungod han makaharadlok gud nga presensya ni Jehova
Ngan han iya himaya ngan pagkaharangdon,+Ha iya pagbuhát basi pakurugon an tuna tungod han duro nga kahadlok.
20 Hito nga adlaw kukuhaon han mga tawo an ira waray pulos nga mga dios nga hinimo ha silber ngan ha bulawanNga ira ginhimo para ha ira kalugaringon basi yukboanNgan ilalabog ito ngadto ha mga yatot* ngan ha mga kulalaknit,+
21 Basi makasulod hira ha mga buho han mga batoNgan ha mga gutak han higtaas nga mga bato,Tungod han makaharadlok gud nga presensya ni JehovaNgan han iya himaya ngan pagkaharangdon,Ha iya pagbuhát basi pakurugon an tuna tungod han duro nga kahadlok.
22 Para ha iyo mismo kaopayan, ayaw na kamo pagsarig ha tawo,Nga gininhawa la ha mga buho han iya irong.*
Kay ano man nga tatagdon hiya?
Mga footnote
^ O “Ha kataposan nga mga adlaw.”
^ O “instruksyon.”
^ O “magtutuhay.”
^ O “pauubson.”
^ O “pauubson.”
^ Malamon nga gudtiay nga mga mammal.
^ O “Nga an gininhawa aada ha mga buho han iya irong.”
