Isaias 60:1-22
60 “Buhát, O babaye,+ pagpasanag hin kalamrag, kay an imo kalamrag inabot na.
An himaya ni Jehova nasanag ha imo.+
2 Kay kitaa! an kasisidman maglulukop ha tunaNgan an duro nga kadulom maglulukop ha mga nasud;Kondi hi Jehova masanag ha imo,Ngan an iya himaya makikita ha imo.
3 An mga nasud makada ha imo kalamrag+Ngan an mga hadi+ makada ha imo nagraranggat nga kapawa.*+
4 Isiplat an imo mga mata ngan pagkita ha imo palibot!
Nagtirirok hira ngatanan; tikada hira ha imo.
Tikang ha hirayo an imo mga anak nga lalaki padayon nga nagkakaabot,+Ngan an imo mga anak nga babaye ginkukugos ha baliatang.+
5 Hito nga panahon makakakita ka ngan magrarayhak,+Ngan an imo kasingkasing mapitik hin makusog ngan magsasap-ay ha kalipay,Kay an bahandi han dagat pakakadaon ha imo;An mga panag-iya han mga nasud makada ha imo.+
6 An damu nga kamelyo maglulukop ha imo tuna,*An bata pa nga mga kamelyo nga lalakí han Midian ngan han Efa.+
An ngatanan nga tikang ha Sheba makada;Magdadara hira hin bulawan ngan busag nga insenso.
Ipapasamwak nira an kadayawan ni Jehova.+
7 An ngatanan nga panon han Kedar+ titirukon ngada ha imo.
An mga karnero nga lalakí han Nebaiot+ magsiserbi ha imo.
Makadto hira ha akon halaran ngan kakarawaton nga may pag-uyon,+Ngan patatahumon ko an akon mahimayaon nga balay.*+
8 Hin-o ini nga naglulupad-lupad pariho hin mga dampog,Pariho hin mga sarapati ngadto ha ira balay-balay?*
9 Kay an mga isla maglalaom ha akon;+An mga barko han Tarsis an nag-uuna,*Ha pagdara han imo mga anak nga lalaki tikang ha hirayo,+Pati na han ira mga silber ngan bulawan,Basi dayawon an ngaran ni Jehova nga imo Dios ngan an Baraan nga Dios han Israel,Kay papasidunggan* ka niya.+
10 Tutukuron han mga taga-iba nga nasud an imo mga pader,Ngan an ira mga hadi magsiserbi ha imo,+Kay tungod han akon kasina ginhampak ko ikaw,Kondi tungod han akon pagkabuotan* kakaloy-an ko ikaw.+
11 An imo mga ganghaan pirme magigin abrido;+Diri ito isasara ha adlaw o ha gab-i,Basi dad-on ha imo an mga panag-iya han mga nasud,Ngan an ira mga hadi an mangunguna.+
12 Kay an bisan ano nga nasud ngan an bisan ano nga ginhadian nga diri magsiserbi ha imo mahahanaw,Ngan an mga nasud mabubungkag gud.+
13 An himaya han Lebanon makada ha imo,+An mga kahoy nga abeto, fresno, ngan sipres durungan nga magkakaabot,+Basi patahumon an lugar han akon santuaryo;Akon hihimayaon an lugar para ha akon mga tiil.+
14 An mga anak han mga nagtalumpigos ha imo magkakaabot ngan mayukbo ha imo atubangan;An ngatanan nga nagtratar ha imo nga waray pagrespeto mayukbo gud ha imo mga tiil,Ngan tatawagon ka nira nga syudad ni Jehova,An Zion han Baraan nga Dios han Israel.+
15 Imbes han pagin babaye nga ginbayaan ngan ginkakangalasan, nga waray tawo nga naagi,+Hihimoon ko ikaw nga burabod han waray kataposan nga pagrakudaku,Usa nga hinungdan han pagrayhak ha ngatanan nga henerasyon.+
16 Ngan iinumon mo gud an gatas han mga nasud,+Sususohan mo an mga hadi;+Ngan makikilala mo gud nga ako, hi Jehova, an imo Paratalwas,Ngan an Gamhanan nga Dios han Jacob an imo Paratubos.+
17 Imbes nga tumbaga* magdadara ako hin bulawan,Ngan imbes nga puthaw magdadara ako hin silber,Imbes nga kahoy, tumbaga,Ngan imbes nga mga bato, puthaw;Ngan itutoka ko an kamurayawan sugad nga imo mga paramangnoNgan an katadongan sugad nga nagtutoka han imo mga trabaho.+
18 Diri na mababatian an kamadarahog dida ha imo tunaPati na an kabungkagan ngan an kagubaan dida ha sulod han imo mga giutan.+
Ngan tatawagon mo nga Katalwasan+ an imo mga pader ngan Pagdayaw an imo mga ganghaan.
19 An adlaw* diri na magigin kalamrag ha imo durante han adlaw,Ngan an kapawa han bulan diri na maghahatag ha imo hin kalamrag,Kay hi Jehova an magigin imo kalamrag ha kadayonan,+Ngan an imo Dios an magigin imo katahom.+
20 An imo adlaw diri na matutunod,Ngan an imo bulan diri na magdudulom,Kay hi Jehova an magigin kalamrag para ha imo ha kadayonan,+Ngan an mga adlaw han imo kabido tapos na.+
21 Ngan an ngatanan mo nga katawohan magigin matadong;Pagtatag-iyahon nira an tuna ha kadayonan.
Hira an saha nga akon igintanom,An buhat han akon mga kamot,+ basi ako patahumon.+
22 An pipira la magigin usa ka yukotNgan an gutiay magigin usa nga makusog nga nasud.
Ako mismo, hi Jehova, an magpapadagmit hito ha kalugaringon nga panahon hito.”
Mga footnote
^ O “ha kapawa han imo maagahon.”
^ Lit., “ha imo.”
^ O “akon matahom nga balay.”
^ O “ngadto ha mga ganggang ha balay-balay han tamsi?”
^ O “pariho han ha siyahan.”
^ O “patatahumon.”
^ O “pagpaid.”
^ Ha Ingles, copper.
^ Ha iba nga lugar, “sudang.”
