Jeremias 14:1-22
14 Ini an pulong ni Jehova nga inabot kan Jeremias mahitungod han mga huraw:+
2 An Juda nabibido,+ ngan an mga ganghaan hito nagin binayaan.
Masurub-on nga naunlod ini ha tuna,Ngan may pangaraba nga nagtitipaigbaw tikang ha Jerusalem.
3 Ngan ginsusugo han ira mga agaron an ira mga surugoon* nga mag-alog.
Napakadto hira ha mga tirokan hin tubig* kondi waray tubig didto.
Nabalik hira nga waray sulod an ira mga surudlan.
Naaawod hira ngan nasusubo,Ngan ira gintatabonan an ira ulo.
4 Tungod kay an tuna gutak-gutak,Kay waray uran hito nga lugar,+An mga parag-uma nababaraka ngan nagtatabon han ira ulo.
5 Bisan an bugsok nga babayé nabaya ha iya natiKay waray banwa.
6 An ihalas nga mga asno naninindog ha mga bungtod nga waray tanom.
Nanhahalhal hira pariho hin mga tsakal;*
An ira mga mata nagdudulom kay waray mga tanom.+
7 Bisan kon an amon mismo mga sayop nagtitestigo kontra ha amon,O Jehova, gios para ha imo ngaran.+
Kay damu an amon ginbuhat nga pagkadiri-matinumanon,+Ngan ha imo kami nakasala.
8 O paglaom han Israel, an iya Paratalwas+ ha mga panahon han kasakitan,Kay ano nga pariho ka hin estranghero hini nga lugar,Pariho hin biyahero nga nahunong la para magpalabay han gab-i?
9 Kay ano nga pariho ka hin tawo nga nagugupong,Pariho hin makusog nga tawo nga diri nakakagtalwas?
Kay aadi ka ha butnga namon, O Jehova,+Ngan gintatawag kami ha imo ngaran.+
Ayaw kami bayai.
10 Ini an siring ni Jehova mahitungod hini nga katawohan: “Naruruyag gud hira pagsinudoy-sudoy;+ diri nira ginpupugngan an ira mga tiil.+ Salit hi Jehova diri nalilipay ha ira.+ Yana dudumdumon niya an ira sayop ngan sisirotan hira tungod han ira mga sala.”+
11 Katapos, hi Jehova nagsiring ha akon: “Ayaw pag-ampo nga umabot an kaopayan ngada hini nga katawohan.+
12 Kon nagpupuasa hira, diri ako namamati ha ira mga pakimalooy,+ ngan kon naghahalad hira hin bug-os nga mga halad nga sinunog ngan hin mga halad nga tikang ha lugas,* diri ako nalilipay hito,+ kay pinaagi han espada, han gutom, ngan han peste* pamamatayon ko hira.”+
13 Salit nagsiring ako: “Abaadaw, O Jehova nga Soberano nga Ginoo! Ini an ginsisiring ha ira han mga propeta, ‘Diri kamo makakakita han espada, ngan an gutom diri maabot ha iyo, pero tatagan ko kamo hin tinuod nga kamurayawan hini nga lugar.’”+
14 Katapos hi Jehova nagsiring ha akon: “An mga propeta nananagna hin mga buwa ha akon ngaran.+ Waray ko hira ipadara o sugoa, ngan waray liwat ako makiistorya ha ira.+ An buwa nga bisyon ngan an waray pulos nga panigo ngan an panlimbong han ira mismo kasingkasing an ira igintatagna ha iyo.+
15 Salit ini an siring ni Jehova mahitungod han mga propeta nga nananagna ha akon ngaran, bisan kon waray ko hira ipadara, ngan nasiring nga waray espada o gutom nga maabot hini nga tuna: ‘Ito nga mga propeta mamamatay pinaagi han espada ngan han gutom.+
16 Ngan an katawohan nga ira ginsusumatan han mga tagna ipanlalabog ha mga kalye han Jerusalem tungod han gutom ngan han espada, ngan waray maglulubong ha ira+—ha ira, ha ira mga asawa, ha ira mga anak nga lalaki, o ha ira mga anak nga babaye—kay ipapadapat ko ha ira an kabungkagan kay angay ito ha ira.’+
17 “Kinahanglan isumat mo ha ira ini nga mensahe,‘Tumuro unta an mga luha ha akon mga mata ha gab-i ngan adlaw, diri unta ito umundang,*+Kay an birhen nga anak nga babaye han akon katawohan duro an kadugmok ngan kadaot,+Nga may grabe gud nga samad.
18 Kon nagawas ako ngadto ha kapatagan ngan nagkikita,Nakikita ko an mga ginpamatay pinaagi han espada!+
Ngan kon nasulod ako ha syudad,Nakikita ko an mga sakit tungod han gutom!+
Kay an propeta ngan an saserdote pariho nalibot ha usa nga tuna nga diri hira maaram.’”+
19 Iginsalikway mo ba hin bug-os an Juda, o ginkangalasan mo ba* an Zion?+
Kay ano nga imo kami ginhampak, nga tungod hito diri kami natatambal?+
Naglaom kami hin kamurayawan, pero waray inabot nga maopay,Hin panahon han pagtambal, pero duro nga kahadlok lugod an amon inaabat!+
20 Kinakarawat namon an amon karaotan, O Jehova,Ngan an sayop han amon mga kaapoy-apoyan,Kay nakasala kami ha imo.+
21 Para ha imo ngaran, ayaw kami igsalikway;+Ayaw tamaya an imo mahimayaon nga trono.
Hinumdumi gad an imo kasabotan ha amon ngan padayon nga tumana ito.+
22 Makakahatag ba hin uran an bisan hain han waray pulos nga mga idolo han mga nasud,O makakalugaring ba pagpauran an kalangitan?
Diri ba ikaw gud la an makakahimo hini, O Jehova nga amon Dios?+
Ngan naglalaom kami ha imo,Kay ikaw gud la an nagbuhat hini ngatanan.
Mga footnote
^ O “ira ubos nga mga tawo.”
^ O “mga kanal.”
^ Ha Ingles, jackal.
^ O “sakit.”
^ Ha iba nga lugar, “tumuko.”
^ O “ginkangalasan ba han imo kalag.”
