Jeremias 16:1-21
16 An pulong ni Jehova inabot utro ha akon, nga nasiring:
2 “Kinahanglan diri ka mag-asawa, ngan kinahanglan diri ka magkaada mga anak nga lalaki ngan mga anak nga babaye hini nga lugar.
3 Kay ini an siring ni Jehova mahitungod ha mga anak nga lalaki ngan mga anak nga babaye nga natawo dinhi ngan mahitungod ha ira mga nanay nga nag-anak ha ira ngan mahitungod ha ira mga tatay nga nagpahinabo han ira katawo dinhi hini nga tuna:
4 ‘Mamamatay hira tungod han makamaratay nga mga sakit,+ kondi waray magtataguminatay tungod ha ira o maglulubong ha ira; magigin pariho hira hin mga tai han hayop ha bawbaw han tuna.+ Mamamatay hira pinaagi han espada ngan han gutom,+ ngan an ira patay nga mga lawas magigin pagkaon han mga tamsi ha langit ngan han mga hayop ha tuna.’
5 Kay ini an siring ni Jehova,‘Ayaw pagsulod ha balay nga may pangaon para ha mga nagtataguminatay,Ngan ayaw pagkadto basi magnguyngoy o magpakita hin pagpaid.’+
‘Kay ginkuha ko an akon kamurayawan tikang hini nga katawohan,’ nasiring hi Jehova,‘Pati na an akon maunungon nga gugma ngan kalooy.+
6 An prominente ngan an ubos nga tawo pariho mamamatay dinhi hini nga tuna.
Diri hira iglulubong,Waray magtataguminatay tungod ha ira,Ngan waray magsasamad o magkakalbo han iya kalugaringon tungod ha ira.*
7 Ngan waray magtatagana hin pagkaon para ha mga nagtataguminatay,Basi liawon hira tungod han ira mga patay;Waray liwat maghahatag ha ira han kopa para han pagliaw
Basi imnon tungod han kamatay han ira tatay o nanay.
8 Ngan ayaw pagsulod ha balay nga may panagtawo
Basi lumingkod kaupod nira para kumaon ngan uminom.’
9 “Kay ini an siring ni Jehova han mga hugpo, an Dios han Israel, ‘Dinhi hini nga lugar, ha imo mga adlaw ngan ha imo mismo atubangan, pahuhunungon ko an aringasa han pagrayhak ngan han paglipay, an tingog han karaslon nga lalaki ngan an tingog han karaslon nga babaye.’+
10 “Pagsumat mo hini nga katawohan hini ngatanan nga pulong, mapakiana hira ha imo, ‘Kay ano nga iginyakan ni Jehova ini ngatanan nga daku nga kadaot kontra ha amon? Ano nga sayop ngan ano nga sala an amon nabuhat kan Jehova nga amon Dios?’+
11 Ini an ibaton ha ira, ‘“Tungod kay ginbayaan ako han iyo mga kaapoy-apoyan,”+ nasiring hi Jehova, “ngan padayon hira nga nagsunod ha iba nga mga dios ngan nag-alagad ha ira ngan nagyukbo ha ira.+ Kondi ginbayaan nira ako, ngan waray nira sugta an akon balaud.+
12 Ngan ginios kamo hin mas maraot pa kay han iyo mga kaapoy-apoyan,+ ngan ginsusunod han tagsa ha iyo an pagkamatig-a han iya maraot nga kasingkasing imbes nga sugton ako.+
13 Salit ilalabog ko kamo tikang hini nga tuna ngadto ha tuna nga diri niyo ngan han iyo mga kaapoy-apoyan hinbabaroan,+ ngan didto mag-aalagad kamo ha iba nga mga dios ha adlaw ngan ha gab-i,+ kay diri ako malolooy ha iyo.”’
14 “‘Kondi maabot an mga adlaw,’ nasiring hi Jehova, ‘nga diri na hira masiring: “Sugad nga buhi hi Jehova, nga naggawas han katawohan han Israel tikang ha tuna han Ehipto!”+
15 kondi lugod: “Sugad nga buhi hi Jehova, nga naggawas han katawohan han Israel tikang ha tuna ha norte ngan tikang ha ngatanan nga katunaan diin niya hira iginpatlaag!” ngan ibabalik ko hira ha ira tuna, nga akon iginhatag ha ira mga kaapoy-apoyan.’+
16 ‘Kitaa, magpapatawag ako hin damu nga parapangisda,’ nasiring hi Jehova,‘Ngan pamimilngon nira hira ngan dadakpon.
Katapos hito magpapatawag ako hin damu nga parapanganop,Ngan pamimilngon nira hira ha tagsa nga bukid ngan ha tagsa nga bungtodNgan ha mga gutak han dagku nga mga bato.
17 Kay nakikita han akon mga mata an ngatanan nira nga ginbubuhat.*
Diri ito naitatago ha akon atubangan,Ngan an ira sayop diri naitatago ha akon mga mata.
18 Siyahan, babalosan ko hira hin bug-os nga kantidad tungod han ira sayop ngan han ira sala,+Kay an akon tuna ginpasiparahan nira pinaagi han waray kinabuhi nga mga rebulto* han ira mangil-ad nga mga idoloNgan an akon panurundon ginpuno nira han ira mangil-ad nga mga butang.’”+
19 O Jehova, an akon kusog ngan akon balwarte,An lugar nga didto ako mapalagiw ha adlaw han kasakitan,+Ha imo makada an mga nasud tikang ha mga sidsid han tuna,Ngan masiring hira: “An amon mga kaapoy-apoyan nakapanunod hin duro nga kabuwaan,Hin kawaray-pulos ngan hin mga butang nga waray gamit ngan kawang la.”+
20 Makakahimo ba an usa nga tawo hin mga dios para ha iya kalugaringonNga diri man ngani ito mga dios?+
21 “Salit ipapahibaro ko ha ira,Hini nga panahon ipapahibaro ko ha ira an akon gahum ngan an akon kusog,Ngan mahibabaro gud hira nga an akon ngaran hi Jehova.”
Mga footnote
^ Pagano nga mga kustomre han pagtaguminatay nga posible nga ginbubuhat ha apostata nga Israel.
^ Lit., “an ngatanan nira nga dalan.”
^ Lit., “han patay nga mga lawas.”
