Jeremias 5:1-31
5 Libota an mga kalye han Jerusalem.
Pagkita ha palibot ngan paghatag hin atensyon.
Pag-usisa dida ha iya mga plasa basi makitaKon makakaagi ka ba hin tawo nga nagios nga may hustisya,+Hin tawo nga nangangalimbasog nga magin matinumanon,Ngan papasayloon ko hiya.*
2 Bisan pa kon sumiring hira: “Sugad nga buhi hi Jehova!”
Manunumpa la gihapon hira hin buwa.+
3 O Jehova, diri ba an imo mga mata namimiling hin matinumanon ha imo?+
Imo hira ginhampak, pero waray ito epekto ha ira.*
Imo hira ginpoo, pero nadiri hira pagkarawat hin disiplina.+
An ira mga nawong ira ginhimo nga mas matig-a kay ha bato,+Ngan nadiri hira pagbalik ha imo.+
4 Pero nagsiring ako ha akon kalugaringon: “Sigurado nga ini hira an mga ubos.
Nagbubuhat hira hin kalurongan, kay diri hira maaram han dalan ni Jehova,Han balaud han ira Dios.
5 Makadto ako ha prominente nga mga tawo ngan makikig-istorya ha ira,Kay sigurado nga gintagan nira hin atensyon an dalan ni Jehova,An balaud han ira Dios.+
Pero ginbari nira ngatanan an yugoNgan gin-utod an mga higot.”
6 Tungod hito usa nga leon tikang ha kagurangan an naatake ha ira,Usa nga lobo tikang ha disyerto nga kapatagan an padayon nga nandadaot ha ira,Usa nga leopardo an naghuhulat dida ha ira mga syudad.
An tagsa nga nagawas tikang hito ginkukuniskunis.
Kay damu an ira mga pagtalapas;Damu an ira mga buhat han pagkadiri-matinumanon.+
7 Paonan-o ko ikaw mapapasaylo tungod hini?
Ginbayaan ako han imo mga anak,Ngan nanumpa hira ha diri Dios.+
Igintagana ko an ira mga panginahanglan,Pero padayon hira nga nag-adulteryo,Ngan nagburuyuboy hira ngadto ha balay han usa nga hostes.
8 Pariho hira hin mga kabayo nga tikasta na gud,An kada tagsa naghihirihiri ha asawa han iba.+
9 “Diri ba angay ko hira sirotan tungod hini nga mga butang?” nasiring hi Jehova.
“Diri ba angay ako* bumulos ha nasud nga sugad hini?”+
10 “Atakeha niyo an iya hagdan-hagdan nga urubasan ngan daota ito,Pero ayaw ito rub-a hin bug-os.+
Kuhaa an iya mga saringsing nga nagsasarang,Kay diri ito kan Jehova.
11 Kay an panimalay ni Israel ngan an panimalay ni JudaNagin diri gud maunungon ha akon,” nasiring hi Jehova.+
12 “Iginnigar nira hi Jehova, ngan padayon hira nga nasiring,‘Waray hiya hihimoon.*+
Waray kadaot nga maabot ha aton;Diri kita makakakita hin espada o hin gutom.’+
13 An mga propeta puro la hangin,Ngan an pulong* waray ha ira.
Mahitabo unta ini ha ira!”
14 Salit ini an siring ni Jehova, an Dios han mga hugpo:
“Tungod kay ini nga mga tawo nasiring hini,Kitaa, an akon mga pulong hihimoon ko nga kalayo dida ha imo baba,+Ngan ini nga katawohan an sungo,Ngan mauugtang* hira hito.”+
15 “Kitaa, magdadara ako ngada ha iyo hin nasud nga tikang ha hirayo, O panimalay ni Israel,”+ nasiring hi Jehova.
“Usa ito nga nasud nga maiha na nga naeksister.
Usa ito nga kadaan nga nasud,Usa nga nasud nga an yinaknan diri ka maaram,Ngan an panyakan diri mo nasasabtan.+
16 An ira surudlan hin pana pariho hin abrido nga lubnganan;Hira ngatanan mga girriro.
17 Lalamuyon nira an imo ani ngan an imo tinapay.+
Lalamuyon nira an imo mga anak nga lalaki ngan an imo mga anak nga babaye.
Lalamuyon nira an imo mga karnero ngan an imo mga baka.
Lalamuyon nira an imo mga tanom nga ubas ngan an imo mga kahoy nga igos.
Bubungkagon nira pinaagi han espada an imo pinader nga mga syudad nga imo ginsasarigan.”
18 “Kondi bisan hito nga mga adlaw,” nasiring hi Jehova, “diri ako magpapadapat ha iyo hin bug-os nga kabungkagan.+
19 Ngan kon magpakiana hira, ‘Kay ano nga ginbuhat ha aton ni Jehova nga aton Dios ini ngatanan nga butang?’ sadang ka bumaton ha ira, ‘Sugad la nga ginbayaan niyo ako basi mag-alagad ha dios han iba nga nasud dida ha iyo tuna, mag-aalagad liwat kamo ha mga taga-iba nga nasud ha tuna nga diri iyo.’”+
20 Ipahibaro ini ha panimalay ni Jacob,Ngan ipasamwak ini ha Juda, nga nasiring:
21 “Pamatii ini, kamo nga lurong ngan diri maaramon nga katawohan:*+
May mga mata hira pero diri nakakakita;+May mga talinga hira pero diri nakakabati.+
22 ‘Diri ba kamo nahahadlok ha akon?’ nasiring hi Jehova,‘Diri ba kamo angay mangurog ha akon atubangan?
Ako an nagbutang han baras sugad nga tubtoban para ha dagat,Usa nga permanente nga regulasyon nga diri malalahosan hito.
Bisan kon napusak an mga balud hito, diri ito maglalampos;Bisan kon nahagubuhob ito, diri la gihapon ito makakalahos hito.+
23 Kondi ini nga katawohan may-ada matig-a ngan rebelyoso nga kasingkasing;Sinimang hira ngan kinadto ha ira kalugaringon nga dalan.+
24 Ngan diri hira nasiring ha ira kasingkasing:
“Kahadlokan naton yana hi Jehova nga aton Dios,Hiya nga naghahatag han uran ha kapanahonan hito,Han uran ha katrakdag ngan han uran ha katsaringsing,Hiya nga nagtitipig para ha aton han itinanda nga mga semana han pag-ani.”+
25 An iyo mismo mga sayop an nagpugong han pag-abot hini nga mga butang;An iyo mismo mga sala an nakaulang ha pagkarawat niyo han kaopayan.+
26 Kay ha butnga han akon katawohan may magraot nga mga tawo.
Padayon hira nga nag-iinobserbar, sugad han pagluob han mga parapanakop hin tamsi.
Nagbubutang hira hin makamaratay nga lit-ag.
Mga tawo an ira gindadakop.
27 Pariho hin hawla nga puno hin mga tamsi,An ira mga balay puno hin panlimbong.+
Ito an hinungdan nga nagin gamhanan hira ngan riko.
28 Nanambok hira ngan nagin mahamis;Nagsasap-ay an ira karaotan.
Diri nira gindidepensahan an kaso han bata nga waray tatay,+Basi maglampos hira;Ngan diri nira gintatagan hin hustisya an mga pobre.’”+
29 “Diri ba angay ko hira sirotan tungod hini nga mga butang?” nasiring hi Jehova.
“Diri ba angay ako* bumulos ha nasud nga sugad hini?
30 May makangingirhat ngan makaharadlok nga nahitatabo ha tuna:
31 An mga propeta nananagna hin mga buwa,+Ngan an mga saserdote nagdudominar pinaagi han ira mismo awtoridad.
Ngan an akon mismo katawohan naruruyag hito.+
Kondi ano an iyo bubuhaton kon umabot na an kataposan?”
Mga footnote
^ Karuyag sidngon, an Jerusalem.
^ Lit., “waray hira manluya.”
^ O “an akon kalag.”
^ O posible nga “Diri hiya naeksister.”
^ Karuyag sidngon, an pulong han Dios.
^ Ha iba nga lugar, “mapupugdang.”
^ Lit., “kamo nga lurong nga katawohan nga waray kasingkasing.”
^ O “an akon kalag.”
