Job 15:1-35
15 Hi Elipaz+ nga Temanita binaton:
2 “Mabaton ba an maaramon nga tawo hin waray pulos nga mga argumento,*O pupun-on ba niya an iya tiyan han hangin nga tikang ha este?
3 Waray gamit an pagsaway pinaagi hin mga pulong la,Ngan waray kapulsanan an basta pagyakan la.
4 Kay imo ginpapaluya an kahadlok ha Dios,Ngan imo ginmiminos an bisan ano nga pagtagad ha Dios.
5 Kay an imo sayop nagdidikta han imo ginsisiring,*Ngan imo ginpipili an tuso nga panyakan.
6 An imo mismo baba an nagkukondenar ha imo, ngan diri ako;An imo mismo mga im-im an nagtitestigo kontra ha imo.+
7 Ikaw ba an siyahan nga tawo nga igin-anak,O natawo ka ba antes pa han mga bungtod?
8 Nakakabati ka ba samtang nagyayakan an Dios hin kompidensyal nga mga butang,O ikaw la ba an may kinaadman?
9 Ano an imo hinbabaroan nga diri namon hinbabaroan?+
Ano an imo nasasabtan nga diri namon nasasabtan?
10 An mga may uban ngan an mga lagas kaupod namon,+Mga tawo nga mas edaran gud kay han imo tatay.
11 Diri pa ba igo para ha imo an mga pagliaw han Dios,O an mga pulong nga malumo nga ginyakan ha imo?
12 Kay ano nga napadára ka ha imo kasingkasing,Ngan kay ano nga an imo mga mata namumudlat tungod ha kasina?
13 Kay nasisina ka* ha Dios mismo,Ngan imo gintutugotan an sugad nga mga pulong nga gumawas ha imo kalugaringon nga baba.
14 Ano ba an mortal nga tawo nga magigin putli hiya,O an bisan hin-o nga igin-anak hin babaye nga magigin matadong hiya?+
15 Kitaa! Waray Hiya pagsarig ha Iya mga baraan,Ngan bisan an langit diri putli ha Iya pagkita.+
16 Asay pa ba kon an usa nga tawo mangil-ad ngan maraot,+Usa nga tawo nga nainom hin pagkadiri-matadong sugad la han pag-inom hin tubig!
17 Susumatan ko ikaw; pamati ha akon!
Isusumat ko an akon nakit-an,
18 An iginsumat han maaramon nga mga tawo tikang ha ira mga tatay,+Mga butang nga waray nira itago.
19 Ha ira la iginhatag an tuna,Ngan waray estranghero nga inagi ha butnga nira.
20 An maraot nga tawo nag-aantos hin kasakitan ha ngatanan niya nga adlaw,Ha ngatanan nga tuig nga iginreserba para ha paratalumpigos.
21 Nakakabati hiya hin makaharadlok nga mga aringasa;+Ha panahon han kamurayawan, gin-aatake hiya hin mga tikasan.
22 Diri hiya natuod nga makakapalagiw hiya tikang ha kasisidman;+Iginlain hiya para ha espada.
23 Naglilinakat-lakat hiya ha pamiling hin pagkaon*—hain ito?
Maaram gud hiya nga hirani na an adlaw han kasisidman.
24 An kasakitan ngan pag-antos padayon nga naghahadlok ha iya;Nadadaog hiya hito pariho hin hadi nga andam na umatake.
25 Kay igin-aalsa niya an iya kamot kontra ha Dios mismo
Ngan nagsasari nga atohan* an Makagarahum-ha-ngatanan;
26 Tungod han katig-a han ulo nasulong hiya ha Iya,Dara an iya madakmol ngan marig-on nga taming;*
27 An iya nawong napuputos hin tambok,Ngan an iya mga baliatang puno hin tambok;
28 Naukoy hiya ha mga syudad nga bubungkagon,Ha mga balay nga waray bisan usa nga maukoy,Nga magigin mga tambak hin mga bato.
29 Diri hiya magigin riko, ngan an iya bahandi diri matitirok,Ngan an iya mga panag-iya diri magdadamu ha tuna.
30 Diri hiya makakapalagiw tikang ha kasisidman;Usa nga kalayo an magpapauga han iya gutiay nga sanga,*Ngan mamamatay hiya pinaagi han makusog nga buga tikang ha baba han Dios.*+
31 Diri hiya sadang sumimang ngan sumarig ha mga butang nga waray pulos,Kay an iya makukuha sugad nga kabalyo magigin waray pulos;
32 Mahitatabo ito antes han iya adlaw,Ngan an iya mga sanga diri gud mananaringsing.+
33 Magigin pariho hiya hin tanom nga ubas nga nagtataktak han hilaw pa nga mga bunga hito,Ngan pariho hin kahoy nga olibo nga naghuhulog han mga bukad hito.
34 Kay an grupo han magraot nga mga tawo* diri mabungahon,+Ngan an kalayo mag-uugtang ha mga tolda han mga nakarawat hin mga hukip.
35 Nagbuburod hira hin kasamok ngan nag-aanak hin karaotan,Ngan an ira tagoangkan puno hin panlimbong.”
Mga footnote
^ O “hin kahibaro nga pariho hin hangin.”
^ O “an imo sayop nagbabansay han imo baba.”
^ Lit., “an imo espiritu nakontra.”
^ Lit., “tinapay.”
^ O “nagsasari nga pirdihon.”
^ Lit., “an magdakmol nga mga bukdo han iya taming.”
^ Karuyag sidngon, an bisan ano nga paglaom nga makabawi.
^ Lit., “niya.”
^ O “han mga apostata.”
