Job 21:1-34
21 Hi Job binaton:
2 “Pamati kamo hin maopay ha akon mga pulong;Ini unta an ihatag niyo ha akon nga pagliaw.
3 Pagpailob kamo ha akon samtang nagyayakan ako;Katapos ko magyakan, puydi na niyo ako minuson.+
4 Ha tawo ba ako nagrireklamo?
Kay kon amo, diri ba ako* mawawad-an hin pasensya?
5 Pagkita kamo ha akon ngan tutok kamo nga nahipapausa;Tak-omi niyo an iyo baba.
6 Kon ginhuhunahuna ko ito, nasasamok ako,Ngan an akon bug-os nga lawas nangungurog.
7 Kay ano nga an magraot padayon nga nabubuhi,+Nalalagas, ngan nagigin bahandianon?*+
8 An ira mga anak pirme aada ha ira atubangan,Ngan nakikita nira an ira katulinan.
9 Talwas an ira mga balay, diri hira nahahadlok,+Ngan an Dios diri nagsisirot ha ira pinaagi han iya tungkod.
10 An ira todo nga mga baka diri napapakyas ha pakaburod;An ira mga baka nga babayé nag-aanak ngan diri napupunitan.
11 An ira gudtiay nga kabataan nandadadlagan ha gawas nga sugad hin panon,Ngan an ira mga anak nagluluksolukso.
12 Nanganganta hira nga ginduduyogan hin tamborin ngan arpa
Ngan nagrarayhak ha tunog han plawta.+
13 Kontento hira ha ngatanan nira nga adlawNgan murayaw nga* nahingangadto hira ha Lubnganan.*
14 Kondi nasiring hira ha tinuod nga Dios, ‘Pabay-i kami!
Diri namon karuyag nga hibaroan an imo mga dalan.+
15 Hin-o an Makagarahum-ha-ngatanan nga sadang man kami mag-alagad ha iya?+
Ano an amon makukuha kon makilala namon hiya?’+
16 Pero maaram ako nga diri nira kontrolado an ira kalugaringon nga kauswagan.+
An panhunahuna* han magraot hirayo ha akon.+
17 Mationan-o kaagsob maparong an lampara han magraot?+
Mationan-o kaagsob umabot ha ira an kadaot?
Mationan-o kaagsob an Dios magpadapat ha ira hin kabungkagan tungod han iya kasina?
18 Nagin pariho na ba hira hin uhot ha atubangan han hangin
Ngan pariho hin upa nga iginpapalid han makusog gud nga hangin?
19 Ipapadapat han Dios an sirot ha usa nga tawo ngadto ha iya mga anak.
Pero hinaot bumulos an Dios ha iya basi mahibaro hiya hito.+
20 Hinaot makita han iya mismo mga mata an iya kadaot,Ngan hinaot hiya an makainom han duro nga kasina han Makagarahum-ha-ngatanan.+
21 Kay importante pa ba ha iya an mahitatabo ha iya katulinan
Kon ginpahalipot* an kadamu han iya mga bulan?+
22 May-ada ba makakagtutdo hin kahibaro ha Dios,*+
Nga Hiya man an naghuhukom bisan han mga pinakadungganon?+
23 May tawo nga namamatay nga puno hin kusog+
Ha panahon nga murayaw hiya ngan waray ginkakabarak-an,+
24 Ha panahon nga an iya mga paa puno hin tambok
Ngan an iya mga tul-an marig-on.*
25 Kondi may tawo liwat nga namamatay nga nasasakit gud,*Nga waray gud pakatilaw hin mag-opay nga mga butang.
26 Hira nga duha pariho mahigda ha tapotapo,+Ngan hira nga duha mapuputos hin mga ulod.+
27 Kitaa! Maaram gud ako han iyo ginhuhunahuna
Ngan han iyo ginhihimo nga mga plano ha pagdaot ha akon.*+
28 Kay nasiring kamo, ‘Hain an balay han prominente nga tawo,Ngan hain an tolda nga gin-ukyan han maraot nga tawo?’+
29 Waray ba niyo pakianhi an mga biyahero?
Diri ba niyo gin-uusisa hin maopay an ira mga obserbasyon,*
30 Nga an maraot nga tawo gintitipigan nga buhi ha adlaw han kadaotNgan gintatalwas ha adlaw han kapungot?
31 Hin-o an magkukompronta ha iya mahitungod han iya pamaagi,Ngan hin-o an mabulos ha iya tungod han iya mga ginbuhat?
32 Kon dadad-on na hiya ha lubnganan,An iya pantyon babantayan.
33 An bug-os-bug-os nga tuna ha walog* magigin matam-is ha iya,+Ngan an ngatanan nga katawohan masunod ha iya*+Pariho han diri maihap nga kadamu nga nahiuna ha iya.
34 Salit kay ano nga tatagan niyo ako hin waray pulos nga pagliaw?+
Puro la panlimbong an aada ha iyo mga baton!”
Mga footnote
^ Lit., “an akon espiritu.”
^ O “gamhanan.”
^ O “ha usa la ka dali,” karuyag sidngon, madagmit ngan diri masakit nga kamatayon.
^ O “sagdon; plano.”
^ O “gintunga.”
^ O “makakagtutdo ha Dios hin bisan ano.”
^ Lit., “an utok han iya mga tul-an mahulos-hulos.”
^ O “nga mapait an kalag.”
^ O posible nga “ha paggios hin madarahog kontra ha akon.”
^ Lit., “mga tigaman.”
^ Lit., “Ngan iya dadanason an ngatanan nga katawohan nga kasunod niya.”
