Jonas 2:1-10
2 Katapos, nag-ampo hi Jonas kan Jehova nga iya Dios tikang ha tiyan han isda,+
2 ngan hiya nagsiring:
“Tungod han akon kasakitan nagtawag ako kan Jehova, ngan binaton hiya ha akon.+
Tikang ha kahiladman* han Lubnganan* nangaraba ako para hin bulig.+
Namati ka ha akon tingog.
3 Han igin-itsa mo ako ha kahiladman, ngadto ha butnga han lawod,Napalibotan ako han sulog.+
An ngatanan mo nga dagku nga balud pinusak ha akon.+
4 Ngan nagsiring ako, ‘Ginpaiwas ako tikang ha imo atubangan!
Paonan-o ko makikita utro an imo baraan nga templo?’
5 Natabonan ako han katubigan ngan nameligro an akon kinabuhi;*+An hilarom nga katubigan nakapalibot ha akon,An mga banwa ha dagat sinangbod ha akon ulo.
6 Ngadto ha ilarom han kabukiran linunod ako.
An mga trangka han tuna nagtikasira ha akon ha kadayonan.
Pero tikang ha buho imo igin-gawas an akon kinabuhi, O Jehova nga akon Dios.+
7 Han nagtitikawara na an akon kinabuhi,* hi Jehova an akon nahinumdoman.+
Ngan an akon pag-ampo nakaabot ha imo, ngadto ha imo baraan nga templo.+
8 An mga debotado ha waray pulos nga mga idolo nagsasalikway han gintitikangan han ira maunungon nga gugma.*
9 Pero ha akon bahin, maghahalad ako ha imo upod an pagpasalamat.
An akon iginsaad, akon tutumanon.+
An katalwasan tikang kan Jehova.”+
10 Ha urhi, ginsugo ni Jehova an isda, ngan iginluwa hito hi Jonas ha baybayon.
Mga footnote
^ Lit., “tiyan.”
^ O “An katubigan naglibot ha akon tubtob ha kalag.”
^ O “kalag.”
^ O posible nga “han ira pagkamaunungon.”
