Josue 12:1-24
12 Ini an mga hadi han tuna nga ginpirde han mga Israelita, nga an ira tuna gintag-iya han mga Israelita ha este han Jordan, tikang ha Walog* han Arnon+ tubtob ha Bukid Hermon+ ngan ha bug-os nga este nga bahin han Araba:+
2 hi Hadi Sihon+ han mga Amorita, nga nag-ukoy ha Hesbon ngan nagmando tikang ha Aroer,+ nga nahimumutang ha ligid han Walog* han Arnon,+ ngan tikang ha butnga han walog, ngan ha katunga han Gilead tubtob ha Walog* han Jabok, nga amo an giutan han mga Ammonita.
3 Nagmando liwat hiya ha este nga bahin han Araba tubtob ha Dagat han Kineret*+ ngan tubtob ha Dagat han Araba, an Dagat nga Asin,* ha este tipakadto ha Bet-jesimot, ngan ha sur ha ubos han mga bakilid han Pisga.+
4 Ngan hi Hadi Og+ han Basan, nga usa han nahisalin han mga Refaim+ ngan nag-ukoy ha Astarot ngan Edrei
5 ngan nagmando ha Bukid Hermon, ha Saleca, ngan ha bug-os nga Basan,+ tubtob ha giutan han mga Gesurita ngan han mga Maacatita,+ ngan ha katunga han Gilead, nga tipakadto ha teritoryo ni Hadi Sihon han Hesbon.+
6 Hi Moises nga surugoon ni Jehova ngan an mga Israelita nagpirde ha ira,+ ngan katapos iginhatag ni Moises nga surugoon ni Jehova an ira tuna ha mga Rubenita, ha mga Gadita, ngan ha katunga han tribo ni Manases sugad nga panag-iya.+
7 Ini an mga hadi han tuna nga ginpirde ni Josue ngan han mga Israelita ha weste han Jordan, tikang ha Baal-gad+ ha Walog han Lebanon+ tubtob ha Bukid Halak,+ nga tipasagka ngadto ha Seir,+ ngan katapos iginhatag ni Josue an ira tuna ha mga tribo han Israel sugad nga panag-iya sumala ha ira mga malon,+
8 ha kabukiran, ha Sefela, ha Araba, ha mga bakilid, ha kamingawan, ngan ha Negeb+—an tuna han mga Hiteo, mga Amorita,+ mga Canaanita, mga Perizita, mga Hivita, ngan mga Jebusita:+
9 An hadi han Jerico,+ usa; an hadi han Ai,+ nga sapit han Bethel, usa;
10 an hadi han Jerusalem, usa; an hadi han Hebron,+ usa;
11 an hadi han Jarmut, usa; an hadi han Lakis, usa;
12 an hadi han Eglon, usa; an hadi han Gezer,+ usa;
13 an hadi han Debir,+ usa; an hadi han Geder, usa;
14 an hadi han Horma, usa; an hadi han Arad, usa;
15 an hadi han Libna,+ usa; an hadi han Adulam, usa;
16 an hadi han Makeda,+ usa; an hadi han Bethel,+ usa;
17 an hadi han Tapua, usa; an hadi han Hefer, usa;
18 an hadi han Afek, usa; an hadi han Lasaron, usa;
19 an hadi han Madon, usa; an hadi han Hazor,+ usa;
20 an hadi han Simron-meron, usa; an hadi han Acsaf, usa;
21 an hadi han Taanac, usa; an hadi han Megido, usa;
22 an hadi han Kedes, usa; an hadi han Jokneam+ ha Carmel, usa;
23 an hadi han Dor ha mga bakilid han Dor,+ usa; an hadi han Goiim ha Gilgal, usa;
24 an hadi han Tirza, usa; 31 nga hadi ngatanan.
Mga footnote
^ Karuyag sidngon, an Dagat nga Patay.
^ Karuyag sidngon, an linaw han Genesaret, o an Dagat han Galilea.
