Josue 15:1-63
15 An tuna nga iginhatag sugad nga malon*+ ha tribo ni Juda para ha ira mga pamilya naabot ha giutan han Edom,+ nga amo an kamingawan han Zin, tubtob ha Negeb ha sur nga kataposan hito.
2 An ira tubtoban ha sur nagtitikang ha kataposan han Dagat nga Asin,*+ tikang ha sur nga baybayon hito.
3 Ngan nagpapadayon ito tipakadto ha sur ngadto ha sagkahon han Akrabim,+ natabok ngadto ha Zin, ngan tikang ha sur nagtitipaigbaw ngadto ha Kades-barnea,+ ngadto ha Hezron, ngadto ha Adar, ngan naliko ngadto ha Karka.
4 Katapos, natabok ito ngadto ha Azmon+ ngan nagpapadayon ngadto ha Walog* han Ehipto,+ ngan an tubtoban natatapos ha Dagat.* Ini an ira tubtoban ha sur.
5 An tubtoban ha este amo an Dagat nga Asin* tubtob ha kataposan han Jordan, ngan an tubtoban ha norte amo an baybayon han dagat, ha kataposan han Jordan.+
6 An tubtoban nagtitipaigbaw ngadto ha Bet-hogla+ ngan natabok ha norte han Bet-araba,+ ngan an tubtoban nagtitipaigbaw ngadto ha bato ni Bohan+ nga anak nga lalaki ni Ruben.
7 An tubtoban nagtitipaigbaw ngadto ha Debir ha Walog* han Acor+ ngan naliko tipa-norte ngadto ha Gilgal,+ nga nahimumutang ha atubangan han sagkahon han Adumim nga nahimumutang ha sur han walog, ngan an tubtoban natabok ngadto ha katubigan han En-semes+ ngan natatapos ha En-rogel.+
8 An tubtoban nagtitipaigbaw ngadto ha Walog han Anak nga Lalaki ni Hinom+ ngadto ha bakilid han syudad han mga Jebusita+ ha sur, karuyag sidngon, an Jerusalem,+ ngan an tubtoban nagtitipaigbaw ngadto ha pungkay han bukid nga naatubang ha Walog han Hinom ha weste, an bukid nga nahimumutang ha kataposan han Walog* han Refaim ha norte.
9 Ngan tikang ha pungkay han bukid an tubtoban naabot ngadto ha burabod han katubigan han Neftoa+ ngan naabot ha mga syudad han Bukid Efron; ngan an tubtoban naabot ha Baala, karuyag sidngon, an Kiriat-jearim.+
10 Tikang ha Baala an tubtoban naliko tipa-weste ngadto ha Bukid Seir ngan natabok ngadto ha bakilid han Bukid Jearim ha norte, karuyag sidngon, an Kesalon, ngan nagtitipaubos ito ngadto ha Bet-semes+ ngan natabok ngadto ha Timnah.+
11 Ngan an tubtoban naabot ngadto ha bakilid han Ekron+ ha norte, ngan naabot ito ngadto ha Sikeron ngan natabok ngadto ha Bukid Baala ngan naabot ngadto ha Jabneel, ngan an tubtoban natatapos ha dagat.
12 An tubtoban ha weste amo an Daku nga Dagat*+ ngan an baybayon hito. Ini an kabug-osan nga tubtoban han katulinan ni Juda uyon ha ira mga pamilya.
13 Ngan hi Caleb+ nga anak ni Jefune gintagan ni Josue hin malon ha butnga han katulinan ni Juda sugad han iginsugo ni Jehova, nga amo an Kiriat-arba (hi Arba an tatay ni Anak), karuyag sidngon, an Hebron.+
14 Salit ginpaiwas ni Caleb tikang didto an tulo nga anak nga lalaki ni Anak:+ hira Sesai, Ahiman, ngan Talmai,+ nga mga tulin ni Anak.
15 Katapos, tikang didto sinagka hiya ngan nakiggirra ha mga umurukoy han Debir.+ (An ngaran han Debir hadto Kiriat-sefer.)
16 Katapos hi Caleb nagsiring: “Ha lalaki nga masulong ha Kiriat-sefer ngan magsasakop hito, ihahatag ko an akon anak nga babaye nga hi Acsa sugad nga asawa.”
17 Ngan ginsakop ito ni Otniel+ nga anak nga lalaki ni Kenaz,+ nga bugto nga lalaki ni Caleb. Tungod hito iya iginhatag kan Otniel an iya anak nga babaye nga hi Acsa+ sugad nga asawa.
18 Samtang tikadto hi Acsa ha balay han iya bana, gin-aghat niya an iya bana nga mangaro hin uma ha iya tatay. Katapos, linusad hiya ha iya asno.* Hi Caleb nagpakiana ha iya: “Ano an imo karuyag?”+
19 Hiya nagsiring: “Alayon bendisyoni ako, kay imo ako gintagan hin tuna ha sur;* ihatag liwat ha akon an Gulot-maim.”* Salit iginhatag niya ha iya an Igbaw nga Gulot ngan Ubos nga Gulot.
20 Ini an panurundon han tribo ni Juda uyon ha ira mga pamilya.
21 An mga syudad ha kataposan han teritoryo han tribo ni Juda ha sur,+ nga naabot ha giutan han Edom amo ini: Kabzeel, Eder, Jagur,
22 Kina, Dimona, Adada,
23 Kedes, Hazor, Itnan,
24 Zip, Telem, Bealot,
25 Hazor-hadata, ngan Keriot-hezron, karuyag sidngon, an Hazor,
26 Amam, Sema, Molada,+
27 Hazar-gada, Hesmon, Bet-pelet,+
28 Hazar-sual, Beer-sheba,+ Biziotias,
29 Baala, Iim, Ezem,
30 Eltolad, Kesil, Horma,+
31 Ziklag,+ Madmana, Sansana,
32 Lebaot, Silhim, Ain, ngan Rimon+—29 nga syudad ngatanan pati na an mga baryo hito.
33 Ha Sefela,+ aadto an Estaol, Zora,+ Asna,
34 Zanoa, En-ganim, Tapua, Enam,
35 Jarmut, Adulam,+ Soco, Azeka,+
36 Saaraim,+ Aditaim, ngan Gedera ngan Gederotaim*—14 nga syudad ngan an mga baryo hito.
37 Zenan, Hadasa, Migdal-gad,
38 Dilean, Mizpe, Jokteel,
39 Lakis,+ Bozkat, Eglon,
40 Cabon, Lamam, Kitlis,
41 Gederot, Bet-dagon, Naama, ngan Makeda+—16 nga syudad ngan an mga baryo hito.
42 Libna,+ Eter, Asan,+
43 Ifta, Asna, Nezib,
44 Keila, Aczib, ngan Maresah—siyam nga syudad ngan an mga baryo hito.
45 An Ekron ngan an mga bungto nga sakop* hito ngan an mga baryo hito;
46 tikang ha Ekron tipa-weste, an ngatanan nga teritoryo ha ligid han Asdod ngan an mga baryo hito.
47 An Asdod,+ an mga bungto nga sakop* hito ngan an mga baryo hito; an Gaza,+ an sakop nga mga bungto hito ngan an mga baryo hito, tubtob ha Walog han Ehipto, ha Daku nga Dagat,* ngan ha baybayon hito.+
48 Ngan ha kabukiran, an Samir, Jatir,+ Soco,
49 Dana, Kiriat-sana, karuyag sidngon, an Debir,
50 an Anab, Estemo,+ Anim,
51 Gosen,+ Holon, ngan Gilo+—11 nga syudad ngan an mga baryo hito.
52 Arab, Duma, Esan,
53 Janim, Bet-tapua, Afeka,
54 Humta, Kiriat-arba, karuyag sidngon, an Hebron,+ ngan an Zior—siyam nga syudad ngan an mga baryo hito.
55 Maon,+ Carmel, Zip,+ Juta,
56 Jezreel, Jokdeam, Zanoa,
57 Kain, Gibeah, ngan Timnah+—napulo nga syudad ngan an mga baryo hito.
58 Halhul, Bet-zur, Gedor,
59 Maarat, Bet-anot, ngan Eltekon—unom nga syudad ngan an mga baryo hito.
60 Kiriat-baal, karuyag sidngon, an Kiriat-jearim,+ ngan an Raba—duha nga syudad ngan an mga baryo hito.
61 Ha kamingawan, an Bet-araba,+ Midin, Secaca,
62 Nibsan, an Syudad han Asin, ngan an En-gedi+—unom nga syudad ngan an mga baryo hito.
63 May kalabotan ha mga Jebusita+ nga naukoy ha Jerusalem,+ waray hira mapaiwas han kalalakin-an han Juda,+ salit an mga Jebusita nagpapadayon pag-ukoy ha Jerusalem kaupod han katawohan han Juda tubtob hini nga adlaw.
Mga footnote
^ O “iginhatag pinaagi han pagripa.”
^ Karuyag sidngon, an Dagat nga Patay.
^ Karuyag sidngon, an Daku nga Dagat, an Mediteraneo.
^ Karuyag sidngon, an Dagat nga Patay.
^ O “Hamubo nga Kapatagan.”
^ O “Hamubo nga Kapatagan.”
^ Karuyag sidngon, an Mediteraneo.
^ O posible nga “nagpakpak hiya samtang sakay ha asno.”
^ O “ha Negeb.”
^ Nangangahulogan nga “Mga Lugar nga May Tubig.”
^ O posible nga “Gedera ngan an mga toril han mga karnero hito.”
^ O “nakapalibot.”
^ O “nakapalibot.”
^ Karuyag sidngon, an Mediteraneo.
