Josue 19:1-51
19 Katapos, an ikaduha nga malon+ nakarawat han Simeon pinaagi han pagripa, para ha tribo ni Simeon+ uyon ha ira mga pamilya. Ngan an ira panurundon nahimumutang ha sulod han panurundon han Juda.+
2 An ira panurundon amo an Beer-sheba+ upod an Sheba, Molada,+
3 Hazar-sual,+ Bala, Ezem,+
4 Eltolad,+ Betul, Horma,
5 Ziklag,+ Bet-marcabot, Hazar-susa,
6 Bet-lebaot,+ ngan Saruhen—13 nga syudad ngan an mga baryo hito;
7 Ain, Rimon, Eter, ngan Asan+—upat nga syudad ngan an mga baryo hito;
8 ngan an ngatanan nga baryo ha palibot hini nga mga syudad tubtob ha Baalat-beer, an Rama ha sur. Ini an panurundon han tribo ni Simeon uyon ha ira mga pamilya.
9 An panurundon han katulinan ni Simeon ginkuha tikang ha malon han Juda, kay an malon han Juda daku hinduro para ha ira. Salit an katulinan ni Simeon nakakarawat hin panag-iya ha sulod han ira panurundon.+
10 Sunod, an ikatulo nga malon+ nakarawat han katulinan ni Zebulon+ uyon ha ira mga pamilya pinaagi han pagripa, ngan an tubtoban han ira panurundon naabot tubtob ha Sarid.
11 An ira tubtoban nagtitipaigbaw tipa-weste ngadto ha Mareal ngan naabot ngadto ha Dabeset ngan katapos ngadto ha walog* ha atubangan han Jokneam.
12 Ngan tikang ha Sarid nagtitipa-este ito ngadto ha ginsisirangan han adlaw, ngadto ha tubtoban han Kislot-tabor ngan ngadto ha Daberat+ ngan katapos nagtitipaigbaw ngadto ha Jafia.
13 Ngan tikang didto nagpapadayon ito tipa-este ngadto ha ginsisirangan han adlaw ngadto ha Gat-hefer,+ ngadto ha Et-kazin, ngan ngadto ha Rimon, ngan naabot ito ngadto ha Nea.
14 Ngan ha norte, an tubtoban naliko ngadto ha Hanaton ngan natatapos ha Walog han Ifta-el,
15 ngan ha Katat, Nahalal, Simron,+ Idala, ngan Bethlehem+—12 nga syudad ngan an mga baryo hito.
16 Ini an panurundon han katulinan ni Zebulon uyon ha ira mga pamilya.+ Ini an mga syudad ngan an mga baryo hito.
17 An ikaupat nga malon+ nakarawat han Isacar+ pinaagi han pagripa, para ha katulinan ni Isacar uyon ha ira mga pamilya.
18 Ngan an ira tubtoban amo an tipakadto ha Jezreel,+ Kesulot, Sunem,+
19 Hafaraim, Shion, Anaharat,
20 Rabit, Kision, Ebez,
21 Remet, En-ganim,+ En-hada, ngan Bet-pazez.
22 Ngan an tubtoban naabot ngadto ha Tabor+ ngan Sahazuma ngan Bet-semes, ngan an kataposan han ira tubtoban amo an Jordan—16 nga syudad ngan an mga baryo hito.
23 Ini an panurundon han tribo ni Isacar uyon ha ira mga pamilya,+ an mga syudad ngan an mga baryo hito.
24 Katapos, an ikalima nga malon+ nakarawat han tribo ni Aser+ uyon ha ira mga pamilya pinaagi han pagripa.
25 Ngan an ira tubtoban amo an Helkat,+ Hali, Beten, Acsaf,
26 Alamelec, Amad, ngan Misal. Nagtitipa-weste ito ngadto ha Carmel+ ngan ngadto ha Sihor-libnat,
27 ngan nabalik ito tipa-este ngadto ha Bet-dagon ngan naabot ngadto ha Zebulon ngan ha Walog han Ifta-el ha norte, ngadto ha Bet-emek ngan Neiel, ngan nagpapadayon ito ngadto ha Cabul ha wala,
28 ngan ngadto ha Ebron, Rehob, Hamon, ngan Kana tubtob ha Bantogan nga Sidon.+
29 Ngan an tubtoban nabalik ngadto ha Rama ngan tubtob ha pinader nga syudad han Tiro.+ Katapos, an tubtoban nabalik ngadto ha Hosa, ngan natatapos ito ha dagat ha rehiyon han Aczib,
30 Uma, Afek,+ ngan Rehob+—22 nga syudad ngan an mga baryo hito.
31 Ini an panurundon han tribo ni Aser uyon ha ira mga pamilya.+ Ini an mga syudad ngan an mga baryo hito.
32 An ikaunom nga malon+ nakarawat han katulinan ni Neptali pinaagi han pagripa, para ha katulinan ni Neptali uyon ha ira mga pamilya.
33 An ira tubtoban nagtitikang ha Helef, tikang ha daku nga kahoy ha Zaananim,+ ngan ha Adami-nekeb ngan Jabneel tubtob ha Lakum; ngan natatapos ito ha Jordan.
34 An tubtoban nabalik tipa-weste ngadto ha Aznot-tabor ngan tikang didto nagpapadayon ngadto ha Hukkok, ngan ha sur naabot ito ngadto ha Zebulon, ha weste ngadto ha Aser, ngan ha este ngadto ha Juda ha may Jordan.
35 Ngan an pinader nga mga syudad amo an Zidim, Zer, Hammat,+ Rakat, Kineret,
36 Adama, Rama, Hazor,+
37 Kedes,+ Edrei, En-hazor,
38 Yiron, Migdal-el, Horem, Bet-anat, ngan Bet-semes+—19 nga syudad ngan an mga baryo hito.
39 Ini an panurundon han tribo ni Neptali uyon ha ira mga pamilya,+ an mga syudad ngan an mga baryo hito.
40 An ikapito nga malon+ nakarawat han tribo ni Dan+ uyon ha ira mga pamilya pinaagi han pagripa.
41 Ngan an tubtoban han ira panurundon amo an Zora,+ Estaol, Ir-semes,
42 Saalabin,+ Aijalon,+ Itla,
43 Elon, Timnah,+ Ekron,+
44 Eltekeh, Gibeton,+ Baalat,
45 Jehud, Bene-berak, Gat-rimon,+
46 Me-jarkon, ngan Rakon, nga an tubtoban naatubang ha Jope.+
47 Kondi an teritoryo han Dan sobra kagutiay para ha ira.+ Salit nagkasagka hira ngan nakiggirra ha Lesem+ ngan ginsakop ito ngan ginpamatay pinaagi han espada an katawohan hito. Katapos ira ito gintag-iya ngan gin-ukyan, ngan an ngaran han Lesem ira ginliwanan hin Dan, nga iginsunod ha ngaran ni Dan nga ira kaapoy-apoyan.+
48 Ini an panurundon han tribo ni Dan uyon ha ira mga pamilya. Ini an mga syudad ngan an mga baryo hito.
49 Salit natapos nira pagbahin-bahina an tuna basi magin panurundon sumala ha mga teritoryo hito. Katapos, gintagan han mga Israelita hi Josue nga anak ni Nun hin panurundon ha butnga nira.
50 Uyon ha iginsugo ni Jehova, ira iginhatag ha iya an syudad nga iya gin-aro, an Timnat-sera,+ ha kabukiran han Efraim, ngan gintukod niya an syudad ngan gin-ukyan ito.
51 Ini an mga panurundon nga iginhatag ni Eleazar nga saserdote, ni Josue nga anak ni Nun, ngan han mga ulo han mga panimalay* han mga tribo han Israel+ pinaagi han pagripa didto ha Shilo+ ha atubangan ni Jehova, ha aragian tipasulod ha tolda nga katirokan.+ Salit natapos nira pagbahin-bahina an tuna.
