Josue 21:1-45
21 Yana an mga ulo han mga panimalay* han mga Levita dinaop kan Eleazar+ nga saserdote, kan Josue nga anak ni Nun, ngan ha mga ulo han mga panimalay han mga tribo han Israel,
2 ngan nakiistorya hira ha ira ha Shilo+ ha tuna han Canaan, nga nasiring: “Hi Jehova nagsugo pinaagi kan Moises nga tagan kami hin mga syudad nga uukyan, pati na an mga panabsaban hito para ha amon mga hayop.”+
3 Salit uyon ha iginsugo ni Jehova, iginhatag han mga Israelita ha mga Levita ini nga mga syudad+ ngan an mga panabsaban hini tikang ha ira kalugaringon nga panurundon.+
4 Nakarawat han mga pamilya han mga Kohatita+ an ira malon pinaagi han pagripa, ngan ha mga Levita nga katulinan ni Aaron nga saserdote iginhatag pinaagi han pagripa* an 13 nga syudad tikang ha tribo ni Juda,+ ha tribo ni Simeon,+ ngan ha tribo ni Benjamin.+
5 Ngan ha iba pa nga mga Kohatita, iginhatag sugad nga malon* an napulo nga syudad tikang ha mga pamilya ha tribo ni Efraim,+ ha tribo ni Dan, ngan ha katunga han tribo ni Manases.+
6 Ngan ha mga Gersonita,+ iginhatag sugad nga malon an 13 nga syudad tikang ha mga pamilya ha tribo ni Isacar, ha tribo ni Aser, ha tribo ni Neptali, ngan ha katunga han tribo ni Manases ha Basan.+
7 Ha mga Merarita+ uyon ha ira mga pamilya, may-ada 12 nga syudad tikang ha tribo ni Ruben, ha tribo ni Gad, ngan ha tribo ni Zebulon.+
8 Salit iginhatag han mga Israelita ha mga Levita ini nga mga syudad ngan an mga panabsaban hini pinaagi han pagripa, sugad han iginsugo ni Jehova pinaagi kan Moises.+
9 Salit tikang ha tribo ni Juda ngan ha tribo ni Simeon, ira iginhatag ini nga mga syudad nga gin-uunabi dinhi an mga ngaran,+
10 ngan iginhatag ito ha mga anak nga lalaki ni Aaron, ha Kohatita nga mga pamilya han mga Levita, kay nakarawat nira an siyahan nga malon.
11 Ira iginhatag ha ira an Kiriat-arba+ (hi Arba an tatay ni Anak), karuyag sidngon, an Hebron,+ ha kabukiran han Juda, ngan an mga panabsaban ha palibot hito.
12 Kondi an tuna nga sakop han syudad ngan an mga baryo hito ira iginhatag kan Caleb nga anak ni Jefune sugad nga iya panag-iya.+
13 Ngan ha mga anak nga lalaki ni Aaron nga saserdote, ira iginhatag an syudad nga arayopan para ha nakamatay hin tawo,+ nga amo an Hebron+ pati an mga panabsaban hito, sugad man an Libna+ pati an mga panabsaban hito,
14 an Jatir+ pati an mga panabsaban hito, an Estemoa+ pati an mga panabsaban hito,
15 an Holon+ pati an mga panabsaban hito, an Debir+ pati an mga panabsaban hito,
16 an Ain+ pati an mga panabsaban hito, an Juta+ pati an mga panabsaban hito, ngan an Bet-semes pati an mga panabsaban hito—siyam nga syudad tikang hinin duha nga tribo.
17 Ngan tikang ha tribo ni Benjamin: an Gibeon+ pati an mga panabsaban hito, an Geba pati an mga panabsaban hito,+
18 an Anatot+ pati an mga panabsaban hito, ngan an Almon pati an mga panabsaban hito—upat nga syudad.
19 An ngatanan nga syudad nga iginhatag ha katulinan ni Aaron, nga mga saserdote, 13 nga syudad pati an mga panabsaban hito.+
20 Ngan an iba pa nga Kohatita nga mga pamilya han mga Levita gintagan hin mga syudad tikang ha tribo ni Efraim pinaagi han pagripa.
21 Ira iginhatag ha ira an syudad nga arayopan para ha nakamatay hin tawo,+ nga amo an Sikem+ pati an mga panabsaban hito ha kabukiran han Efraim, an Gezer+ pati an mga panabsaban hito,
22 an Kibzaim pati an mga panabsaban hito, ngan an Bet-horon+ pati an mga panabsaban hito—upat nga syudad.
23 Ngan tikang ha tribo ni Dan: an Elteke pati an mga panabsaban hito, an Gibeton pati an mga panabsaban hito,
24 an Aijalon+ pati an mga panabsaban hito, an Gat-rimon pati an mga panabsaban hito—upat nga syudad.
25 Ngan tikang ha katunga han tribo ni Manases: an Taanac+ pati an mga panabsaban hito ngan an Gat-rimon pati an mga panabsaban hito—duha nga syudad.
26 An ngatanan nga syudad pati an mga panabsaban hito nga nakarawat han iba pa nga mga pamilya han mga Kohatita, napulo nga syudad.
27 Ngan nakarawat han Gersonita+ nga mga pamilya han mga Levita tikang ha katunga han tribo ni Manases an syudad nga arayopan para ha nakamatay hin tawo, nga amo an Golan+ ha Basan pati an mga panabsaban hito, ngan an Beestera pati an mga panabsaban hito—duha nga syudad.
28 Ngan tikang ha tribo ni Isacar:+ an Kision pati an mga panabsaban hito, an Daberat+ pati an mga panabsaban hito,
29 an Jarmut pati an mga panabsaban hito, ngan an En-ganim pati an mga panabsaban hito—upat nga syudad.
30 Ngan tikang ha tribo ni Aser:+ an Misal pati an mga panabsaban hito, an Abdon pati an mga panabsaban hito,
31 an Helkat+ pati an mga panabsaban hito, ngan an Rehob+ pati an mga panabsaban hito—upat nga syudad.
32 Ngan tikang ha tribo ni Neptali: an syudad nga arayopan+ para ha nakamatay hin tawo, nga amo an Kedes+ ha Galilea pati an mga panabsaban hito, an Hamot-dor pati an mga panabsaban hito, ngan an Kartan pati an mga panabsaban hito—tulo nga syudad.
33 An ngatanan nga syudad han mga Gersonita uyon ha ira mga pamilya 13 nga syudad pati an mga panabsaban hito.
34 Ngan ini an nakarawat han mga pamilya han mga Merarita,+ an iba pa nga mga Levita, tikang ha tribo ni Zebulon:+ an Jokneam+ pati an mga panabsaban hito, an Karta pati an mga panabsaban hito,
35 an Dimna pati an mga panabsaban hito, ngan an Nahalal+ pati an mga panabsaban hito—upat nga syudad.
36 Ngan tikang ha tribo ni Ruben: an Bezer+ pati an mga panabsaban hito, an Jahaz pati an mga panabsaban hito,+
37 an Kedemot pati an mga panabsaban hito, ngan an Mefaat pati an mga panabsaban hito—upat nga syudad.
38 Ngan tikang ha tribo ni Gad:+ an syudad nga arayopan para ha nakamatay hin tawo, nga amo an Ramot ha Gilead+ pati an mga panabsaban hito, an Mahanaim+ pati an mga panabsaban hito,
39 an Hesbon+ pati an mga panabsaban hito, ngan an Jazer+ pati an mga panabsaban hito—upat nga syudad ngatanan.
40 An ngatanan nga syudad nga iginhatag sugad nga malon ha mga Merarita uyon ha ira mga pamilya, an iba pa nga mga pamilya han mga Levita, 12 nga syudad.
41 An ngatanan nga syudad han mga Levita ha sulod han panag-iya han mga Israelita 48 nga syudad pati an mga panabsaban hito.+
42 An tagsa hini nga mga syudad may mga panabsaban ha palibot hito—ini an kahimtang hini ngatanan nga syudad.
43 Salit iginhatag ni Jehova ha Israel an bug-os nga tuna nga iya iginpanumpa nga ihahatag ha ira mga kaapoy-apoyan,+ ngan ira ito gintag-iya ngan gin-ukyan.+
44 Dugang pa, gintagan hira ni Jehova hin kapahuwayan ha bug-os nga palibot, sugad han iya iginpanumpa ha ira mga kaapoy-apoyan,+ ngan waray bisan usa ha ngatanan nira nga kaaway an nakapirde ha ira.+ Iginhatag ni Jehova ha ira kamot an ngatanan nira nga kaaway.+
45 Waray bisan usa nga saad* an napakyas ha ngatanan nga mag-opay nga saad ni Jehova ha panimalay ni Israel; natuman ito ngatanan.+
