An Kanta ni Solomon 3:1-11
3 “Ha akon higdaan durante han mga gab-i,Ginbiling ko an akon hinigugma.*+
Ginbiling ko hiya, pero waray ko hiya maagii.+
2 Mabuhát ako ngan malibot ha syudad;Ha mga kalye ngan ha mga plasa,Pamimilngon ko an akon hinigugma.*
Ginbiling ko hiya, pero waray ko hiya maagii.
3 Nakita ako han mga bantay nga nagruronda ha syudad.+
‘Nakita ba niyo an akon hinigugma?’*
4 Paglalabay ko pa gud la ha iraHan naagian ko an akon hinigugma.*
Ginkaptan ko gud hiya, waray ko hiya buhiiTubtob nga nadara ko hiya ngadto ha balay han akon nanay,+Ha kwarto han nagburod ha akon.
5 Ginpapasumpa ko kamo, O mga anak nga babaye han Jerusalem,Pinaagi han mga gasela ngan han mga bugsok nga babayé ha kapatagan:
Ayaw kamo pagsari nga pukawon o aghaton an akon gugma kon nadiri pa ito.”+
6 “Ano ini nga tiabot tikang ha kamingawan nga pariho hin mga harigi nga aso,Nga ginpahamotan hin mira ngan hin busag nga insenso,Pati na han ngatanan nga pulbos han usa nga negosyante?”+
7 “Kitaa! Ito an hundarigan* nga panag-iya ni Solomon.
Ginpapalibotan ito hin 60 nga magkusog nga lalaki,Tikang ha magkusog nga kalalakin-an han Israel,+
8 Hira ngatanan armado hin espada,Ngatanan binansay ha pakiggirra,An tagsa may espada ha kagiliranBasi magbantay kontra ha makaharadlok gud nga mga butang ha kagab-ihon.”
9 “Ito an panhadi nga hundarigan ni Hadi SolomonNga iya ginhimo para ha iya kalugaringon tikang ha mga kahoy han Lebanon.+
10 An mga harigi hito iya ginhimo tikang ha silber,An sandigan hito hinimo ha bulawan.
An lingkoran hito hinimo ha de-lana nga tela nga purpura;*
An sulod hito mahigugmaon nga gindekorasyonanHan mga anak nga babaye han Jerusalem.”
11 “Gawas kamo, O mga anak nga babaye han Zion,Kitaa niyo hi Hadi SolomonNga nakasul-ot han pankasal nga korona* nga ginhimo han iya nanay+ para ha iyaHa adlaw nga nag-asawa hiya,Ha adlaw nga nagrayhak an iya kasingkasing.”
Mga footnote
^ O “an hinigugma han akon kalag.”
^ O “an hinigugma han akon kalag.”
^ O “an hinigugma han akon kalag.”
^ O “an hinigugma han akon kalag.”
^ May atop nga hilaba nga lingkoran nga ginagamit ha pagpas-an hin prominente nga tawo.
^ Ha Ingles, purple.
^ O “han dekorasyon ha ulo.”
