An Kanta ni Solomon 6:1-13
6 “Nagpakain an imo pinalangga,O ikaw nga pinakamahusay ha mga babaye?
Diin kumadto an imo pinalangga?
Maupod kami ha imo ha pagpamiling ha iya.”
2 “An akon pinalangga linugsad ngadto ha iya garden,Ngadto ha garden han maghamot nga mga tanom,Basi atamanon an panon didto ha mga gardenNgan manguha hin mga bukad nga liryo.+
3 Ako kanan akon pinalangga,Ngan an akon pinalangga akon.+
Nag-aataman hiya han panon ha butnga han mga bukad nga liryo.”+
4 “Sugad ka kahusay han Tirza,*+ akon hinigugma,+Sugad kamakaruruyag han Jerusalem,+Sugad kaurusahon han mga kasundalohan ha palibot han ira mga bandera.+
5 Ilingiw an imo mga mata+ tikang ha akon,Kay nabibihag ako hito.
An imo buhok pariho hin panon han mga kandingNga nagkakalugsad tikang ha mga bakilid han Gilead.+
6 An imo mga ngipon pariho hin panon han mga karneroNga nagkasagka katapos karigoan,Nga an ngatanan may kambal nga anak,Ngan waray bisan usa nga nawad-an hin nati.
7 Pariho han katunga han prutas nga granadaAn imo mga bayhon* ha luyo han imo belo.
8 Bangin may 60 nga raynaNgan 80 nga babaye*Ngan diri maihap nga batan-on nga mga babaye.+
9 Pero usa la an akon sarapati,+ an akon pinalangga nga waray ikasaway.
Hiya an pinakaespesyal nga anak nga babaye han iya nanay.
Hiya an paborito* han nag-anak ha iya.
Nakikita hiya han mga anak nga babaye, ngan ginpapasidunggan nira hiya,Han mga rayna ngan han mga babaye,* ngan gindadayaw nira hiya.
10 ‘Hin-o ini nga babaye nga nasanag* pariho han maagahon,Nga sugad kaopay pagkit-on han kadayaw,Nga sugad kaputli han sirak,Nga sugad kaurusahon han mga kasundalohan ha palibot han ira mga bandera?’”+
11 “Linugsad ako ngadto ha garden han mga kahoy nga nuwes+Basi makita an bag-o nga tubo nga mga tanom ha walog,*Basi makita kon nanaringsing* na ba an tanom nga ubas,Kon namukad na ba an mga kahoy nga granada.
12 Antes pa ako mahibaro han nahitatabo,Gindara na ako han akon hingyap*Ngadto ha mga karuwahe han akon dungganon* nga katawohan.”
13 “Balik gad, O Sulamita, balik!
Balik gad, balik,Basi makita ka namon!”
“Kay ano nga ginkikinita niyo an Sulamita?”+
“Pariho hiya han sayaw han duha nga grupo!”*
Mga footnote
^ O “Makaruruyag nga Syudad.”
^ O “mga sentido.”
^ Lit., “an putli.”
^ Lit., “natamod.”
^ O “namiyoos.”
^ O “kalag.”
^ O “andam bumulig.”
^ O “sayaw ha Mahanaim.”