Nehemias 11:1-36
-
Gin-ukyan utro an Jerusalem (1-36)
11 Yana an mga prinsipe han katawohan naukoy ha Jerusalem;+ kondi an iba pa han katawohan nagripa+ basi magdara hin usa ha kada napulo para paukyon ha Jerusalem, an baraan nga syudad, samtang an siyam magpapabilin ha iba nga mga syudad.
2 Dugang pa, ginbendisyonan han katawohan an ngatanan nga kalalakin-an nga nagboluntaryo pag-ukoy ha Jerusalem.
3 Ngan ini an mga ulo han probinsya* nga inukoy ha Jerusalem. (An iba pa ha Israel, an mga saserdote, an mga Levita, an mga surugoon ha templo,*+ ngan an mga anak nga lalaki han mga surugoon ni Solomon,+ inukoy ha iba nga mga syudad han Juda, an tagsa ha iya kalugaringon nga panag-iya ha iya syudad.+
4 Inukoy liwat ha Jerusalem an pipira han katawohan han Juda ngan han Benjamin.) Ha katawohan han Juda: hi Ataias nga anak ni Uzias nga anak ni Zacarias nga anak ni Amarias nga anak ni Sefatias nga anak ni Mahalalel nga tikang ha mga anak ni Perez,+
5 ngan hi Maaseias nga anak ni Baruc nga anak ni Colhoze nga anak ni Hazaias nga anak ni Adaia nga anak ni Joiarib nga anak ni Zacarias nga anak han Shelanita.
6 An ngatanan nga anak ni Perez nga inukoy ha Jerusalem inabot hin 468 nga may kapas nga kalalakin-an.
7 Ngan ini an katawohan han Benjamin: hi Sallu+ nga anak ni Mesulam nga anak ni Joed nga anak ni Pedaias nga anak ni Kolaias nga anak ni Maaseias nga anak ni Itiel nga anak ni Jesaias,
8 ngan sunod ha iya hira Gabai ngan Salai, 928;
9 ngan hi Joel nga anak ni Zikri an ira paramangno, ngan hi Juda nga anak ni Hasenua an ikaduha nga nagdudumara han syudad.
10 Ha mga saserdote: hi Jedaias nga anak ni Joiarib, hi Jakin,+
11 hi Seraias nga anak ni Hilkias nga anak ni Mesulam nga anak ni Zadok nga anak ni Meraiot nga anak ni Ahitub,+ usa nga lider ha balay* han tinuod nga Dios,
12 ngan an ira kabugtoan nga nagbuhat han buruhaton ha balay, 822; ngan hi Adaia nga anak ni Jeroham nga anak ni Pelalias nga anak ni Amzi nga anak ni Zacarias nga anak ni Pasur+ nga anak ni Malkias,
13 ngan an iya kabugtoan, nga mga ulo han mga panimalay,* 242; ngan hi Amassai nga anak ni Azarel nga anak ni Azai nga anak ni Mesilemot nga anak ni Imer,
14 ngan an ira kabugtoan nga magkusog ngan maisugon nga kalalakin-an, 128; ngan an ira paramangno amo hi Zabdiel, usa nga membro hin prominente nga pamilya.
15 Ngan ha mga Levita: hi Semaias+ nga anak ni Hasub nga anak ni Azrikam nga anak ni Hasabias nga anak ni Buni,
16 ngan hira Sabetai+ ngan Jozabad,+ nga mga ulo han mga Levita, nga nagdudumara han buruhaton ha gawas han balay han tinuod nga Dios;
17 ngan hi Matanias,+ nga anak ni Micas nga anak ni Zabdi nga anak ni Asap,+ an konduktor ha pagkanta, nga nanguna ha pagdayaw durante han pag-ampo,+ ngan hi Bakbukias, nga ikaduha ha iya kabugtoan, ngan hi Abda nga anak ni Sammua nga anak ni Galal nga anak ni Jedutun.+
18 An ngatanan nga Levita ha baraan nga syudad inabot hin 284.
19 Ngan an mga parabantay han ganghaan amo hira Akub, Talmon,+ ngan an ira kabugtoan nga nagbabantay ha mga ganghaan, 172.
20 An iba pa ha Israel, an mga saserdote, ngan an mga Levita nakadto ha ngatanan nga iba pa nga syudad han Juda, an tagsa ha iya kalugaringon nga napanunod nga propyedad.*
21 An mga surugoon ha templo*+ naukoy ha Ofel,+ ngan hira Ziha ngan Gispa an nagdudumara ha mga surugoon ha templo.*
22 An paramangno han mga Levita ha Jerusalem amo hi Uzi nga anak ni Bani nga anak ni Hasabias nga anak ni Matanias+ nga anak ni Mica, nga tikang ha mga anak ni Asap, nga mga parakanta; hiya an nagdudumara han buruhaton ha balay han tinuod nga Dios.
23 Kay may sugo an hadi may kalabotan ha ira,+ ngan may-ada permanente nga tagana para ha mga parakanta sumala ha ira panginahanglan kada adlaw.
24 Ngan hi Petahias nga anak ni Mesezabel nga tikang ha mga anak ni Zera nga anak ni Juda amo an magsaragdon han hadi* para ha ngatanan nga butang nga may kalabotan ha katawohan.
25 May kalabotan ha mga lugar ngan ha mga tuna nga sakop hito, an pipira han katawohan han Juda inukoy ha Kiriat-arba+ ngan ha mga bungto nga sakop* hito, ha Dibon ngan ha mga bungto nga sakop hito, ha Jekabzeel+ ngan ha mga baryo hito,
26 ha Jesua, ha Molada,+ ha Bet-pelet,+
27 ha Hazar-sual,+ ha Beer-sheba ngan ha mga bungto nga sakop* hito,
28 ha Ziklag,+ ha Mecona ngan ha mga bungto nga sakop* hito,
29 ha En-rimon,+ ha Zora,+ ngan ha Jarmut,
30 ha Zanoa,+ ha Adulam ngan ha mga baryo hito, ha Lakis+ ngan ha mga tuna nga sakop hito, ngan ha Azeka+ ngan ha mga bungto nga sakop* hito. Inukoy* hira tikang ha Beer-sheba tubtob ha Walog han Hinom.+
31 Ngan an katawohan han Benjamin nakadto ha Geba,+ ha Micmash, ha Aija, ha Bethel+ ngan ha mga bungto nga sakop* hito,
32 ha Anatot,+ ha Nob,+ ha Ananias,
33 ha Hazor, ha Rama,+ ha Gitaim,
34 ha Hadid, ha Zeboim, ha Nebalat,
35 ha Lod, ngan ha Ono,+ ha walog han mga eksperto nga parahimo.
36 Ngan an pipira nga grupo han mga Levita nga tikang ha Juda ginpaukoy ha teritoryo han Benjamin.
Mga footnote
^ O “sakop nga distrito.”
^ O “mga Netinim.” Lit., “mga iginhatag.”
^ O “templo.”
^ O “ha iya kalugaringon nga panurundon.”
^ O “mga Netinim.” Lit., “mga iginhatag.”
^ O “mga Netinim.” Lit., “mga iginhatag.”
^ Lit., “nakada ha kamot han hadi.”
^ O “nakapalibot.”
^ O “nakapalibot.”
^ O “nakapalibot.”
^ O “nakapalibot.”
^ O “Nagkampo.”
^ O “nakapalibot.”
