Mga Proberbios 14:1-35
14 An babaye nga tinuod nga maaramon nagpaparig-on han iya balay,+Pero an babaye nga lurong nagruruba hito gamit an iya kalugaringon nga mga kamot.
2 An tawo nga naglalakat hin matadong nahahadlok kan Jehova,Pero an tawo nga an mga dalan malimbong* nagtatamay ha Iya.
3 An hambog nga panyakan han lurong pariho hin tungkod nga pansirot,Pero an mga im-im han mga maaramon magpapanalipod ha ira.
4 Kon waray mga baka malimpyo an tubongan,Pero an kusog han todo nga baka naghahatag hin damu nga ani.
5 An masasarigan nga testigo diri magbubuwa,Pero an buwaon nga testigo nagbubuwa ha tagsa niya nga pagginhawa.+
6 An paratamay nagbibiling hin kinaadman kondi diri nakakaagi,Pero an tawo nga may pagsabot masayon la magkaada kahibaro.+
7 Pahirayo ha lurong nga tawo,Kay diri ka makakaagi hin kahibaro ha iya mga im-im.+
8 Tungod han kinaadman an maaramon nga tawo maaram han dalan nga iya ginlalaktan,Pero an mga lurong nalilimbongan han* ira kalurongan.+
9 Gintataw-an la han mga lurong an ira pagin salaan,*+Pero an magtadong andam nga makighiuli.*
10 An kasingkasing maaram han kalugaringon nga kapaitan hito,*Ngan waray estranghero nga makakaduyog han kalipay hito.
11 An balay han magraot maruruba,+Pero an tolda han magtadong padayon nga magririg-on.
12 May dalan nga baga hin husto ha usa nga tawo,+Pero kamatayon ngay-an an kataposan hito.+
13 Bisan kon an usa nga tawo nagtitinawa, an iya kasingkasing bangin nasasakit,Ngan an pagrayhak bangin magin kabido.
14 An tawo nga an kasingkasing diri maunungon mag-aani han mga resulta han iya pagkinabuhi,+Pero an maopay nga tawo nag-aani han balos ha iya mga ginbubuhat.+
15 An tawo nga waray eksperyensya natoo ha tagsa nga pulong,Pero an maaramon nga tawo naghuhunahuna hin maopay han iya tagsa nga pitad.+
16 An maaramon nga tawo nag-iikmat ngan naglilikay ha karaotan,Pero an lurong nga tawo diri-naghihirot* ngan sobra an kompyansa.
17 An tawo nga madagmit masina nagbubuhat hin kalurongan,+Pero an tawo nga ginhuhunahuna hin maopay an mga butang* ginkakangalasan.
18 An mga waray eksperyensya makakapanunod han kalurongan,Pero an mga maaramon ginkukoronahan hin kahibaro.+
19 An magraot nga mga tawo mayukbo ha atubangan han mag-opay nga mga tawo,Ngan an magraot mayukbo ha mga ganghaan han magtadong.
20 An pobre nga tawo ginkakangalasan bisan han mga tawo nga duok ha iya,+Pero damu an sangkay han riko nga tawo.+
21 An tawo nga nagtatamay ha iya igkasi-tawo nakakasala,Pero an bisan hin-o nga napaid ha ubos nga mga tawo malipayon.+
22 Diri ba mahisisimang an mga nagpaplano hin karaotan?
Pero an mga determinado magbuhat hin maopay makarawat hin maunungon nga gugma ngan pagkamatinumanon.+
23 May kapulsanan an tagsa nga klase han mabug-at nga trabaho,Pero an pagyinakan la nagriresulta hin kapobrehan.+
24 An korona han mga maaramon amo an ira bahandi;Pero an binuhatan han mga lurong kalurongan la.+
25 An tinuod nga testigo nagtatalwas hin mga kinabuhi,*Pero an malimbong nga tawo nagbubuwa ha tagsa niya nga pagginhawa.
26 An tawo nga may kahadlok kan Jehova may marig-on nga pagsarig ha Iya,+Ngan magigin arayopan ito han iya mga anak.+
27 An kahadlok kan Jehova burabod han kinabuhi,Basi ipahirayo an usa nga tawo tikang ha mga bitik han kamatayon.
28 An damu nga katawohan kadungganan han usa nga hadi,+Pero an magmarando nga waray mga sakop nawawad-an hin gahum.
29 An tawo nga diri madagmit masina hura hin husto nga pagturotimbang,+Pero an tawo nga diri pasensyoso nagpapakita han iya kalurongan.+
30 An kalmado nga kasingkasing naghahatag hin kinabuhi* ha lawas,Pero an pangabugho kadunotan ha mga tul-an.+
31 An tawo nga nanlilimbong ha ubos nga tawo nag-iinsulto ha Dios nga naghimo ha iya,+Pero an bisan hin-o nga napaid ha mga pobre naghihimaya ha Iya.+
32 An maraot nga tawo madadaot han iya mismo karaotan,Pero an matadong nga tawo nakakaagi hin arayopan dida ha iya integridad.+
33 An kinaadman mamingaw nga naukoy ha kasingkasing han masinabuton nga tawo,+Pero ha mga lurong kinahanglan magpakilala ito.
34 An katadongan nagpapahitaas ha usa nga nasud,+Pero an sala kaarawdan ha usa nga katawohan.
35 An hadi nalilipay ha surugoon nga nagios nga may hilarom nga pagsabot,+Pero nasisina gud hiya ha surugoon nga nagios hin makaarawod.+
Mga footnote
^ O “baliko.”
^ O posible nga “an mga lurong nanlilimbong ha iba pinaagi han.”
^ O “an pagpangaro hin pasaylo.”
^ O “may maopay nga kaburut-on.”
^ O “han kapaitan han kalag hito.”
^ O “pungtanon.”
^ O “an tawo nga may mga abilidad ha paghunahuna.”
^ O “mga kalag.”
^ O “kahimsog.”
