Mga Proberbios 4:1-27
4 Mga anak ko, pamati ha disiplina han usa nga tatay,+Paghatag hin atensyon basi magkaada kamo pagsabot,
2 Kay tatagan ko kamo hin maopay nga instruksyon;Ayaw niyo igsalikway an akon katutdoan.*+
3 Nagin maopay ako nga anak ha akon tatay+Ngan an anak nga hinigugma gud han akon nanay.+
4 Nagtutdo hiya ha akon ngan nagsiring: “Hinaot tipigan gud han imo kasingkasing an akon mga pulong.+
Sugta an akon mga sugo ngan padayon ka nga mabubuhi.+
5 Kuha hin kinaadman ngan kuha hin pagsabot.+
Ayaw kalimti an akon ginsisiring, ngan ayaw pagsimang tikang hito.
6 Ayaw igsalikway an kinaadman, ngan puproteksyonan ka hito.
Higugmaa ito, ngan papanalipdan ka hito.
7 An kinaadman an pinakaimportante* nga butang,+ salit kuha hin kinaadman,Ngan labot pa han ngatanan nga imo makukuha, kuha hin pagsabot.+
8 Pabilhi gud an kinaadman, ngan dadayawon ka hito.+
Papasidunggan ka hito kay minayuyo mo gud ito.+
9 Magigin sugad ito hin makaruruyag nga dekorasyon ha imo ulo;
Mag-aadorno ito ha imo sugad hin matahom nga korona.”
10 Pamati, anak ko, ngan karawata an akon mga pulong,Ngan an mga tuig han imo kinabuhi magdadamu.+
11 Tututdoan ko ikaw ha dalan han kinaadman;+Gigiyahan ko ikaw ha mga aragian han katadongan.+
12 Kon naglalakat ka, an imo mga pitad diri mauulang;Ngan kon dumalagan ka, diri ka mahipapakdol.
13 Kapti hin maopay an disiplina; ayaw ito buhii.+
Panalipdi ito, kay nangangahulogan ito han imo kinabuhi.+
14 Ayaw pagsulod ha aragian han magraot,Ngan ayaw paglakat ha dalan han magraot hinduro nga mga tawo.+
15 Likyi ito, ayaw pag-agi dida hito;+Simang hito, ngan labyi ito.+
16 Kay diri hira nahingangaturog kon diri hira makabuhat hin maraot.
Diri hira nahingangaturog kon diri nira mapahinabo nga matumba an usa nga tawo.
17 Ira ginkakaon an tinapay han karaotan,Ngan ira gin-iinom an bino han kamadarahog.
18 Kondi an aragian han magtadong pariho han malamrag nga kahayag ha agaNga mas nagtitikalamrag tubtob ha kaudtuhon.+
19 An dalan han magraot pariho han kasisidman;Diri hira maaram kon ano an nakakapakdol ha ira.
20 Anak ko, paghatag hin atensyon ha akon mga pulong;Pamati hin maopay* ha akon mga ginyayakan.
21 Tipigi ini ha imo hunahuna;Tipigi ini ha sulod han imo kasingkasing,+
22 Kay nangangahulogan ini hin kinabuhi ha ngatanan nga nakakaagi hini+Ngan hin kahimsog ha bug-os nira nga lawas.*
23 Labaw ha ngatanan nga kinahanglan mo bantayan, panalipdi an imo kasingkasing,+Kay dida hito nagtitikang an mga burabod han kinabuhi.
24 Isalikway an baliko nga panyakan+Ngan ipahirayo gud ha imo an maglimbong nga mga pulong.
25 An imo mga mata kinahanglan magkita ha unhan,Oo, ipokus an imo pagkita* ha imo unhan.+
26 Pataga* an aragian han imo mga tiil,+Ngan magigin marig-on an ngatanan mo nga dalan.
27 Ayaw pagsimang ha too o ha wala.+
Ipahirayo an imo mga tiil tikang ha maraot.
Mga footnote
^ O “balaud.”
^ O “an nangunguna.”
^ Lit., “Ikiling an imo talinga.”
^ Lit., “ha bug-os nira nga unod.”
^ O “malamrag nga mga mata.”
^ O posible nga “Hunahunaa hin maopay.”
