Mga Salmo 113:1-9
113 Dayawa hi Jah!*
Maghatag hin pagdayaw, kamo nga mga surugoon ni Jehova,Dayawa an ngaran ni Jehova.
2 Pagdayawon unta an ngaran ni JehovaTikang yana tubtob ha kadayonan.+
3 Tikang ha ginsisirangan han adlaw tubtob ha gintutunoran hito,Pagdayawon unta an ngaran ni Jehova.+
4 Hi Jehova hitaas labaw pa han ngatanan nga nasud;+An iya himaya labaw pa han langit.+
5 Hin-o an pariho kan Jehova nga aton Dios,+Hiya nga naukoy* ha kahitas-an?
6 Natamod hiya basi kitaon an langit ngan an tuna,+
7 Ginbabangon an ubos tikang ha tapotapo.
Gin-aalsa niya an pobre tikang ha tambak han abo*+
8 Basi palingkuron hiya upod han mga dungganon,Upod han mga dungganon ha iya katawohan.
9 Gintatagan niya hin panimalay an baog nga babayeSugad nga malipayon nga nanay nga may mga anak.*+
Dayawa hi Jah!*
Mga footnote
^ O “Hallelujah!” “Jah” an ginpahalipot nga porma han ngaran nga Jehova.
^ O “nalingkod ha trono.”
^ O posible nga “larabogan hin basura.”
^ Lit., “mga anak nga lalaki.”
^ O “Hallelujah.” “Jah” an ginpahalipot nga porma han ngaran nga Jehova.
