Mga Salmo 24:1-10
-
Mahimayaon nga Hadi nasulod ha ganghaan
-
“Kan Jehova an tuna” (1)
-
Salmo ni David. Usa nga kanta.
24 Kan Jehova an tuna ngan an ngatanan nga aada hito,+An mabungahon nga tuna ngan an mga naukoy dida hito.
2 Kay ginpahamutang niya ito hin maopay ha kadagatan+Ngan gin-establisar ito hin marig-on ha mga salog.
3 Hin-o an puydi sumagka ha bukid ni Jehova,+Ngan hin-o an puydi tumindog ha iya baraan nga lugar?
4 An bisan hin-o nga inosente an mga kamot ngan putli an kasingkasing,+Nga waray manumpa hin buwa pinaagi han Akon kinabuhi,*Ngan waray magsaad basi makapanlimbong.+
5 Makarawat hiya hin mga bendisyon tikang kan Jehova+Ngan hin katadongan* tikang ha Dios nga nagtatalwas ha iya.+
6 Ini an henerasyon han mga nagbibiling ha iya,Han mga nagbibiling han imo nawong, O Dios ni Jacob. (Selah)
7 Ihangad an iyo mga ulo, kamo nga mga ganghaan;+Pag-abri,* kamo nga kadaan nga mga purtahan,Basi makasulod an mahimayaon nga Hadi!+
8 Hin-o ini nga mahimayaon nga Hadi?
Hi Jehova, nga makusog ngan gamhanan,+Hi Jehova, nga gamhanan ha pakiggirra.+
9 Ihangad an iyo mga ulo, kamo nga mga ganghaan;+Pag-abri, kamo nga kadaan nga mga purtahan,Basi makasulod an mahimayaon nga Hadi!
10 Hin-o hiya, ini nga mahimayaon nga Hadi?
Hi Jehova han mga hugpo—hiya an mahimayaon nga Hadi.+ (Selah)
Mga footnote
^ O “Akon kalag,” nga nagtutudlok ha kinabuhi ni Jehova nga pinaagi hito nanunumpa an usa nga tawo.
^ O “hustisya.”
^ O “Buhát.”
