Mga Salmo 8:1-9
Para ha direktor han Gitit.* Kanta ni David.
8 O Jehova nga amon Ginoo, harangdon gud an imo ngaran ha bug-os nga tuna;Iginbutang mo an imo dungog hin mas hitaas pa han langit!*+
2 Tikang ha baba han kabataan ngan mga minasus-an+ imo iginpakita an imo kusogTungod han mga nakontra ha imo,Basi pahilumon an kaaway ngan an naninimalos.
3 Kon akon nakikita an imo langit, an mga buhat han imo mga tudlo,An bulan ngan an mga bitoon nga imo ginhimo,+
4 Ano ba an mortal nga tawo nga pirme mo hiya nahinunumdoman,Ngan an anak han tawo nga imo hiya ginmamangnoan?+
5 Ginhimo mo hiya nga uroubos la hin gutiay ha mga sugad hin dios,*Ngan ginkoronahan mo hiya hin himaya ngan dungog.
6 Ginpamandoan mo ha iya an mga buhat han imo mga kamot;+Iginbutang mo an ngatanan ha ilarom han iya mga tiil:*
7 An ngatanan nga panon ngan kabakahan,Sugad man an ihalas nga mga hayop,+
8 An mga tamsi ha langit ngan an mga isda ha dagat,An bisan ano nga naglalangoy ha kadagatan.
9 O Jehova nga amon Ginoo, harangdon gud an imo ngaran ha bug-os nga tuna!
Mga footnote
^ O posible nga “Ikaw nga an kadungganan iginpapahayag ha igbaw han langit!”
^ O “ha mga anghel.”
^ Ha iba nga lugar, “siki.”
