Mga Salmo 88:1-18
Usa nga kanta. Salmo han mga anak ni Kora.+ Para ha direktor; uyon ha Mahalath* nga estilo, nga kakantahon hin surosaliwan. Maskil* ni Heman+ nga Ezrahita.
88 O Jehova, an Dios nga nagtatalwas ha akon,+Ha adlaw nangangaraba ako,Ngan ha gab-i nadaop ako ha imo atubangan.+
2 Makaabot unta ha imo an akon pag-ampo,+Ikiling an imo talinga* ha akon pangaraba para hin bulig.+
3 Kay an akon kalag* napuno hin kasakitan,+Ngan an akon kinabuhi hirani na ha Lubnganan.*+
4 Gin-ihap na ako upod han mga mahingangadto ha buho;*+
Ako nagin usa nga tawo nga waray mahihimo,*+
5 Ginbayaan upod han mga patayPariho han ginpatay nga nahigda ha lubnganan,Nga diri mo na nahinunumdomanNgan nahibulag tikang ha imo pag-ataman.*
6 Imo ako iginbutang ha pinakaubos nga buho,Ha magsirom nga mga lugar, ha daku nga kahiladman.
7 Binubug-atan ako han imo duro nga kasina,+Ngan imo ako gintatabonan han imo napusak nga mga balud. (Selah)
8 Ginpahirayo mo ha akon an akon mga kakilala;+Imo ako ginhimo nga magin mangil-ad ha ira.
Napriso ako ngan diri nakakapalagiw.
9 An akon mata kinakapoy na tungod han akon pag-antos.+
O Jehova, natawag ako ha imo ha bug-os nga adlaw;+Igin-uunat ko ngada ha imo an akon mga kamot ha pag-ampo.
10 Magbubuhat ka ba hin urusahon nga mga butang para ha mga patay?
Makakabuhát ba an mga patay basi magdayaw ha imo?+ (Selah)
11 An imo ba maunungon nga gugma maipapasamwak ha lubnganan,An imo pagkamatinumanon ha lugar han kabungkagan?*
12 An imo ba urusahon nga mga buhat mahibabaroan ha kasisidmanO an imo pagkamatadong ha lugar han mga ginkalimtan na?+
13 Pero nangangaraba pa gihapon ako ha imo para hin bulig, O Jehova,+Kada aga an akon pag-ampo naabot ha imo atubangan.+
14 O Jehova, kay ano nga ginsasalikway mo ako?*+
Kay ano nga gintatago mo ha akon an imo nawong?+
15 Tikang pa han akon kabata,Nag-antos ako ngan haros mamatay;+Namamanhod ako tungod han makangingirhat nga mga butang nga imo igintutugot nga akon antuson.
16 An imo naglalaga nga kasina nagtatabon ha akon;+An magpakaharadlok nga tikang ha imo nagpapatay ha akon.
17 Ha bug-os nga adlaw ginpapalibotan ako hito sugad hin katubigan;Nagtitikahirani ito ha akon tikang ha ngatanan nga dapit.*
18 Ginpahirayo mo ha akon an akon kasangkayan ngan mga kaupod;+An kasisidman an akon nagin kaupod.
Mga footnote
^ O “Duko ngan pamati.”
^ O “pariho hin tawo nga waray kusog.”
^ O “lubnganan.”
^ Lit., “kamot.”
^ O “ha Abadon.”
^ O “an akon kalag.”
^ O posible nga “nga tirigda.”
