Zacarias 13:1-9
13 “Hito nga adlaw usa nga bubon an aabrihan para ha panimalay ni David ngan para ha mga umurukoy han Jerusalem ha paglimpyo han sala ngan hugaw.+
2 “Hito nga adlaw,” nasiring hi Jehova han mga hugpo, “paparaon ko an mga ngaran han mga idolo tikang ha tuna,+ ngan diri na hira mahinunumdoman; ngan paiiwason ko ha tuna an mga propeta+ ngan an espiritu han pagkamahugaw.
3 Ngan kon an usa ka tawo magtagna na liwat, an iya tatay ngan an iya nanay nga nagin hinungdan han iya katawo masiring ha iya, ‘Diri ka mabubuhi, kay nagyakan ka hin kabuwaan ha ngaran ni Jehova.’ Ngan bubun-on hiya han iya tatay ngan han iya nanay nga nagin hinungdan han iya katawo tungod han iya pagtagna.+
4 “Hito nga adlaw an tagsa nga propeta maaawod han iya bisyon kon nagtatagna hiya; ngan diri hira magsusul-ot hin panpropeta nga bado nga hinimo ha barahibo+ para makapanlimbong.
5 Ngan masiring hiya, ‘Diri ako propeta. Parag-uma ako, kay ginpalit ako han usa nga tawo han batan-on pa ako.’
6 Ngan kon may magpakiana ha iya, ‘Ano ini nga mga samad ha butnga han imo mga sugbong?’* mabaton hiya, ‘Ini nga mga samad nakuha ko ha balay han akon kasangkayan.’”*
7 “O espada, pagmata kontra ha akon paraataman hin panon,+Kontra ha tawo nga akon kaupod,” nasiring hi Jehova han mga hugpo.
“Pataya an paraataman hin panon,+ ngan pabay-i nga magpatsarang an panon;*+Ngan aalsahon ko an akon kamot kontra ha mga minos.”
8 “Ngan ha bug-os nga tuna,” nasiring hi Jehova,“Duha ka bahin dida hito an uutdon ngan mapupoo;*Ngan an ikatulo ka bahin an mahibibilin dida hito.
9 Ngan an ikatulo ka bahin akon dadad-on ha kalayo;Ngan pupurugon ko hira pariho han pagpurog han silber,Ngan sasarihan hira pariho han pagsari han bulawan.+
Matawag hira ha akon ngaran,Ngan babatunon ko hira.
Masiring ako, ‘Hira an akon katawohan,’+
Ngan masiring hira, ‘Hi Jehova an amon Dios.’”
Mga footnote
^ Lit., “butnga han imo mga kamot?” Karuyag sidngon, ha dughan o ha likod.
^ O “han mga nahigugma ha akon.”
^ O “mga karnero.”
^ O “magkakamatay.”
