Kada tuig, nagtitikaduro an aton hingyap para ha espirituwal nga pagkaon nga aton napapahimulosan ha aton regional nga mga kombensyon. Basi matilawan liwat han iba an pagkamaopay ni Jehova, gin-iimbitar naton an ngatanan nga tumambong, tubtob han aton mahihimo. (Sal 34:8) Sisiguruhon han lawas han mga tigurang kon ano an pinakamaopay nga paagi ha paggamit han mga imbitasyon.

• San-o an amon kombensyon?

• San-o mananaltag hin imbitasyon an amon kongregasyon?

• San-o pagdudumarahon an mga katirok para ha pagsangyaw?

• Ano an akon mga tumong durante han kampanya?

• Hin-o an akon karuyag imbitaron?

Katapos maghatag hin katalahoran, mahimo ka sumiring:

“Nangingimbitar kami ha mga tawo para ha usa nga importante hinduro nga okasyon. Ginbubuhat ini ha bug-os nga kalibotan. Makikita dinhi hini nga imbitasyon an petsa, oras, ngan adres. Malilipay gud kami nga makatambong ka.”

Bisan kon karuyag naton mangimbitar hin damu nga tawo ha kombensyon tubtob nga posible, sadang liwat kita magin alerto ha pagkultibar han interes nga iginpakita han aton mga gin-imbitar.

Ha Sabado ngan Domingo, mahimo mo itanyag an mga magasin kaupod han imbitasyon.