Tikang ha Enero 2016, makikita ha luyo nga kobre han panpubliko nga edisyon han Ang Bantayan an seksyon nga “Ano ang sinasabi ng Bibliya?” [Ha An Barantayan, ini nga seksyon magtitikang ha Mayo 2016.] Inin bag-o nga seksyon gindisenyo basi buligan kita nga makagtikang hin pakiistorya mahitungod ha mga topiko ha Biblia. An pormat hini puropariho han pormat han aton mga tract. May-ada ini punto de bista nga pakiana ngan baton tikang ha Kasuratan, ngan dugang nga mga punto nga mahihisgotan.

An maopay nga pakiistorya mahitungod ha mga topiko ha Kasuratan kasagaran nga nagriresulta ha pagdumara hin mga pag-aram ha Biblia. Gamita ini nga seksyon basi buligan an mas damu nga matagbaw an ira espirituwal nga kagutom.—Mat 5:6.

1. Pakianhi an tagbalay kon ano an iya opinyon ha usa han mga pakiana

2. Pamatii ngan pasalamati an iya baton

3. Basaha an teksto ha ilarom han ulohan nga “Ang Sabi ng Bibliya,” ngan aroa an iya opinyon ha teksto. Kon may panahon pa hiya, ipadayon an pakiistorya gamit an usa nga punto ha “Ano Pa ang Matututuhan Natin sa Bibliya?”

4. Itanyag an magasin

5. Pakigsabot ha pagbalik basi hisgotan an ikaduha nga pakiana