Hin-o an aabiabihon? An bisan hin-o nga natambong ha aton Kristiano nga katirok—bag-ohan man o mag-iha na nga natambong. (Ro 15:7; Heb 13:2) Bangin usa ito nga igkasi-tumuroo nga tikang ha iba nga nasud o usa nga diri-aktibo nga natambong pa la paglabay hin damu ka tuig. Kon ikaw an aada ha ira sitwasyon, ano daw la an imo aabaton? Diri ka ba malilipay kon may mag-abiabi ha imo? (Mat 7:12) Salit kay ano nga diri daupon ngan kumustahon an mga natambong ha Kingdom Hall antes ngan katapos han katirok? Nakakadugang ini ha malipayon ngan mahigugmaon nga palibot ngan nakakahatag hin kadungganan kan Jehova. (Mat 5:16) Syempre, diri naton makakaistorya an tanan nga natambong. Bisan pa hito, aabaton han tanan nga gin-aabiabi hira kon bubuhaton naton an aton bahin. *

Iginpapakita naton an tinuod nga pagkamaabiabihon diri la durante ha espesyal nga okasyon pariho han Memoryal kondi ha tanan nga panahon. Kon nakikita ngan naieksperyensyahan han mga bag-ohan an aton gugma, mahimo maaghat hira nga dayawon an Dios ngan umupod ha aton ha putli nga pagsingba.—Ju 13:35.