KON KAY ANO NGA IMPORTANTE: An Gihitaasi nga Instruktor, hi Jehova, nagtatanyag ha aton han pinakamaopay nga edukasyon. Iya kita gintututdoan kon paonan-o mapapauswag an aton kinabuhi ngan gin-aandam para ha maopay gud nga tidaraon​—ngan libre ito! (Isa 11:6-9; 30:20, 21; Pah 22:17) Pinaagi han edukasyon nga tikang kan Jehova, iya liwat kita ginsasangkapan basi maisumat ha iba an nagtatalwas hin kinabuhi nga mensahe.​—2Co 3:5.

KON PAONAN-O ITO BUBUHATON:

• Kultibara an mga kalidad nga pagkamapainubsanon ngan pagkamaaghop.​—Sal 25:8, 9

• Salingabota an mga pagbansay ha imo yana, sugad han pagkarawat hin toka nga iginhahatag ha mga estudyante ha katirok ha midweek

• Paghimo hin espirituwal nga mga tumong.​—Fil 3:13

• Paghimo hin mga sakripisyo basi magin kwalipikado ka ha dugang nga pagbansay.​—Fil 3:8

KITAA AN VIDEO NGA RIKO HA ESPIRITUWAL TUNGOD HAN PAGTUTDO NI JEHOVA, NGAN BATONA AN MASUNOD:

• Ano nga mga ulang an nalamposan han pipira nga magwarali basi makaeskwela ha School for Kingdom Evangelizers?

• Ano nga pagbansay an igintatagana han School for Kingdom Evangelizers?

• Paonan-o ginbuligan han mga membro han kongregasyon an mga naggradwar ha ira bag-o nga mga toka?

• Hin-o an puydi makaeskwela ha School for Kingdom Evangelizers? (kr 189)

• Ano nga iba nga pagbansay an mahimo mo kab-uton ha organisasyon ni Jehova?