10:13

Bangin pilion ni Jehova nga kuhaon an usa nga pagsari; kondi agsob nga naghihimo hiya hin “paagi nga makagawas” kita pinaagi ha pagtagana han aton ginkikinahanglan basi mailob ngan malamposan naton an pagsari.

• Mahimo niya pakalmahon an aton hunahuna, kasingkasing, ngan emosyon pinaagi han iya Pulong, han iya baraan nga espiritu, ngan han espirituwal nga pagkaon nga iya igintatagana.​—Mat 24:45; Ju 14:16; Ro 15:4

• Mahimo niya kita giyahan pinaagi han baraan nga espiritu, nga mabulig ha aton nga mahinumdoman an mga asoy ngan mga prinsipyo ha Biblia ngan masabtan kon ano an maaramon naton nga buhaton.​—Ju 14:26

• Mahimo niya gamiton an iya mga anghel para ha aton.​—Heb 1:14

• Mahimo kita niya buligan pinaagi han mga igkasi-tumuroo.​—Col 4:11