KON KAY ANO NGA IMPORTANTE: Basi makarawat an pag-uyon ni Jehova, kinahanglan igdedikar han mga estudyante ha Biblia an ira kinabuhi ha iya ngan magpabawtismo. (1Pe 3:21) Katapos, adton nagkikinabuhi uyon ha ira dedikasyon makarawat hin espirituwal nga panalipod. (Sal 91:1, 2) Ngadto kan Jehova an dedikasyon han usa nga Kristiano—diri ha tawo, ha trabaho, o ha usa nga organisasyon. Salit kinahanglan patuboon han estudyante an gugma ngan apresasyon ha Dios.—Ro 14:7, 8.

KON PAONAN-O ITO BUBUHATON:

• Durante han pag-aram, hisguti kon ano an igintututdo han impormasyon mahitungod kan Jehova. Pabug-ati nga importante an pagbasa han Biblia kada adlaw ngan an pag-ampo kan Jehova hin “padayon.”—1Te 5:17; San 4:8

• Aghata an imo estudyante nga himoon nga tumong an pagdedikar ngan pagpabawtismo. Buligi liwat hiya nga maghimo hin masayon makab-ot nga mga tumong, sugad han pagkomento ha katirok o pagsangyaw ha iya mga amyaw ngan katrabaho. Hinumdumi nga diri ginpipirit ni Jehova an bisan hin-o nga mag-alagad ha iya. An pagdedikar personal nga desisyon.—De 30:19, 20

• Aghata an imo estudyante nga maghimo han ginkikinahanglan nga mga pagbag-o basi mapalipay hi Jehova ngan magin kwalipikado ha bawtismo. (Pr 27:11) Tungod kay bangin makuri mabag-o an pipira nga batasan ngan kinaiya, bangin magkinahanglan hiya hin padayon nga bulig ha paghukas han daan nga personalidad ngan pagsul-ot han bag-o. (Efe 4:22-24) Ipabasa ha iya an serye ha Barantayan nga “An Biblia Nakakagbag-o han Kinabuhi”

• Sumati hiya han kalipay nga imo naeksperyensyahan ha pag-alagad kan Jehova.—Isa 48:17, 18