KON KAY ANO NGA IMPORTANTE: An tanan nga publikasyon ha aton Toolbox ha Pagpanutdo nagtutugway ha jw.org. Ha pagkamatuod, an katuyoan han contact card ngan han tract nga Diin Naton Mabibilngan an Baton ha Importante nga mga Pakiana ha Kinabuhi? amo an pag-aghat ha mga tawo ha aton website. Puydi ka makagtanyag hin publikasyon tikang ha aton Toolbox ha Pagpanutdo gamit an jw.org pinaagi ha pag-e-mail hin elektroniko nga kopya o paghatag hin link. Labi nga mapulsanon ini kon nagsasangyaw ha usa nga iba an linggwahe. Dugang pa, an mga tawo mahimo magbangon hin pakiana nga ginbabaton han aton mga publikasyon nga waray ha aton Toolbox ha Pagpanutdo. Kon maaram kita kon paonan-o gagamiton an website, mahimo kita magin mas epektibo ha aton ministeryo.

KON PAONAN-O ITO BUBUHATON:

• Gamita an “TURO NG BIBLIYA” nga tab. Pananglitan, nagsasangyaw ka ha usa nga kag-anak nga naruruyag magkaada dugang nga impormasyon mahitungod ha pagpadaku hin anak. Abrihi an TURO NG BIBLIYA > PAG-AASAWA AT PAMILYA.

• Gamita an “PUBLIKASYON” nga tab. Pananglitan, nagsasangyaw ka ha eskwelahan ngan karuyag mo maghatag ha imo kaklase hin brosyur nga Baton ha 10 nga Pakiana han mga Batan-on. Abrihi an PUBLIKASYON > LIBRO NGAN BROSYUR.

• Gamita an “TUNGKOL SA AMIN” nga tab. Pananglitan, nagsasangyaw ka ha usa nga katrabaho nga naruruyag magbasa hin halipot nga impormasyon mahitungod ha aton gintotoohan. Abrihi an TUNGKOL SA AMIN > KARANIWANG MGA TANONG.

KITAA AN VIDEO NGA PAGGAMIT HAN JW.ORG, NGAN TAGDA KON DIIN MABIBILNGAN HA WEBSITE AN BULIG PARA HA:

• ateyista

• nakaeksperyensya pa la hin trahedya

• diri aktibo nga bugto

• ginbabalik-bisita nga nagpapakiana kon paonan-o ginsusuportaran an aton buruhaton

• usa nga tawo tikang ha iba nga nasud nga naruruyag pagtambong hin katirok ha iya lugar