Iginhatag ni Jesus an iya kinabuhi sugad nga halad para ha diri hingpit nga mga tawo. (Ro 5:8) Waray ruhaduha nga nakikita naton an gugma ni Jesus para ha aton kay iya iginhatag an iya kinabuhi. Kondi usahay bangin kinahanglan naton pahinumdoman an aton kalugaringon nga namatay hi Jesus para liwat ha aton kabugtoan. Paonan-o naton maipapakita an sugad-Kristo nga gugma ha aton kabugtoan nga diri liwat perpekto pariho ha aton? Tagda an tulo nga paagi. Siyahan, mahimo naton pahaluagon an aton pakigsangkay basi maiupod adton iba an gintikangan. (Ro 15:7; 2Co 6:12, 13) Ikaduha, magbantay kita nga diri makayakan o makabuhat hin bisan ano nga makakasakit ha iba. (Ro 14:13-15) Ikatulo, kon may nakasala ha aton, kinahanglan madagmit kita magpasaylo. (Lu 17:3, 4; 23:34) Kon nangangalimbasog kita nga subaron hi Jesus hini nga mga paagi, padayon nga bibendisyonan ni Jehova an kongregasyon hin kamurayawan ngan pagkaurosa.

KITAA AN VIDEO NGA MAGIN MAS MAHUSAY! NGAN BATONA AN MASUNOD:

• Ano an gin-abat ni Miki han bag-o pa la hiya ha iya kongregasyon?

• Kay ano nga nagbag-o an iya inaabat?

• Paonan-o an ehemplo ni Jesus nakabulig kan Miki nga bag-uhon an iya panhunahuna? (Mar 14:38)

• Paonan-o an Proberbios 19:11 mabulig nga magin positibo an aton pagtagad ha aton mga igkasi-Kristiano?