Kay ano nga angay kita makig-upod ha mga nahigugma kan Jehova? Kay an aton mga kaupod nakakaimpluwensya ha aton ha positibo o negatibo nga paagi. (Pr 13:20) Pananglitan, “ginbuhat ni [Hadi] Jehoas an husto ha pagkita ni Jehova” han kaupod pa niya an hitaas nga saserdote nga hi Jehoiada. (2Cr 24:2) Pero han mamatay hi Jehoiada, ginbayaan ni Jehoas hi Jehova tungod han magraot nga kaupod.​—2Cr 24:17-19.

Han siyahan nga siglo C.E., ginkompara ni apostol Pablo an Kristiano nga kongregasyon ha “daku nga balay” ngan an mga membro han kongregasyon ha “mga garamiton” ha balay. Nagpapabilin kita nga “instrumento . . . para ha dungganon nga paggamit” kon ginlilikyan naton nga makig-upod ha bisan hin-o, bisan ha aton kapamilya o kakongregasyon, nga nagbubuhat hin maraot ha atubangan ni Jehova. (2Ti 2:20, 21) Salit, hinaot ipadayon naton an pakigsangkay ha mga nahigugma kan Jehova ngan hadton nag-aaghat ha aton nga mag-alagad ha iya.

KITAA AN VIDEO NGA ISALIKWAY AN MARAOT NGA KAUPOD, NGAN BATONA AN MASUNOD:

• Ano an pipira han diri abat nga paagi diin mahimo naton makaupod an magraot nga kaupod?

• Ha video, ano an nakabulig ha tulo nga Kristiano nga likayan an magraot nga kaupod?

• Ano nga mga prinsipyo ha Biblia an makakabulig ha imo nga magin maaramon ha pagpili hin mga kaupod?