An pagin andam ni Isaias takos gud subaron. Nagpakita hiya hin pagtoo ngan ginios dayon han nagkaada panginahanglan, bisan kon diri hiya maaram han tanan nga detalye hito. (Isa 6:8) Puydi ka ba maghimo hin mga pagbag-o basi makag-alagad ha lugar diin mas daku an panginahanglan hin magwarali han Ginhadian? (Sal 110:3) Oo, kinahanglan ‘kwentahon an magagasto’ han sugad nga desisyon. (Lu 14:27, 28) Kondi, magin andam ha pagsakripisyo para ha pagsangyaw nga buruhaton. (Mat 8:20; Mar 10:28-30) Sugad han iginpapakita ha video nga Paglilingkod Kung Saan Malaki ang Pangangailangan, mas damu gud an bendisyon nga aton nakakarawat ha pag-alagad kan Jehova kay han aton mga iginsasakripisyo.

• Ano nga mga pagsakripisyo an ginhimo han mga membro han pamilya basi makag-alagad ha Ecuador?

• Ano an ira mga gintagad han nagpipili hira hin lugar kon diin magbuboluntaryo?

• Ano nga mga bendisyon an ira nakarawat?

• Diin ka makakabiling hin dugang nga impormasyon mahitungod ha pagboluntaryo ha lugar diin mas daku an panginahanglan?

• Paonan-o namon mapapahaluag an amon ministeryo sugad nga pamilya? (km 8/11 4-6)

• Kon diri kami makakag-alagad ha lugar diin mas daku an panginahanglan, ha ano nga mga paagi makakabulig kami ha amon kongregasyon? (w16.03 23-25)