Hi Jehova waray ginpapaurog. (Bu 10:34, 35) Ginkakarawat niya an “tikang ha ngatanan nga nasud, tribo, katawohan, ngan pinulongan.” (Pah 7:9) Salit, waray lugar ha Kristiano nga kongregasyon an pagpasulabi o paboritismo. (San 2:1-4) Tungod han edukasyon tikang ha Dios, nagpapahimulos kita hin espirituwal nga paraiso diin nakikita naton an pagbag-o han mga personalidad. (Isa 11:6-9) Kon nangangalimbasog kita ha pagkuha han pagpasulabi ha aton kasingkasing, ginpapamatud-an naton nga ginsusubad naton an Dios.—Efe 5:1, 2.

• Kay ano nga an edukasyon tikang ha Dios mas malampuson gud kay ha mga pangalimbasog han tawo nga wad-on an diskriminasyon ngan pagpasulabi?

• Ha ano nga bahin han aton bug-os-kalibotan nga pagminagburugto naiimpres ka?

• Paonan-o napapasidunggan hi Jehova kon gintitipigan naton an pagkaurosa sugad nga Kristiano?