KON KAY ANO NGA IMPORTANTE: Kinahanglan hibaroan han mga tawo an mga suruklan ni Jehova ngan magkinabuhi uyon hito basi masingba hiya ha paagi nga iya kinakarawat. (Isa 2:3, 4) An Gugma han Dios nga libro, an ikaduha nga publikasyon nga ginagamit ha pagdumara hin pag-aram, nabulig ha estudyante nga masantop kon paonan-o an mga prinsipyo tikang ha Dios magagamit ha adlaw-adlaw nga pagkinabuhi. (Heb 5:14) Sadang kita mangalimbasog nga maabot an kasingkasing han estudyante basi magkaada hiya husto nga motibo ha pagbag-o.—Ro 6:17.

KON PAONAN-O ITO BUBUHATON:

• Pangandam hin maopay ngan hunahunaa an panginahanglan han imo estudyante. Paghimo hin mga pakiana nga mabulig ha imo nga matugkad an iya ginhuhunahuna ngan gin-aabat mahitungod han iyo gin-aadman.—Pr 20:5; be 259

• Gamita an mga kahon ha libro basi mabuligan an imo estudyante nga makita an kapulsanan ha pag-aplikar han mga prinsipyo ha Biblia

• Buligi an imo estudyante nga mangatadongan uyon ha iya konsensya, kondi ayaw paghimo hin desisyon para ha iya.—Gal 6:5

• Makonsiderasyon nga usisaha kon nagkikinahanglan an imo estudyante hin bulig ha pag-aplikar han pipira nga prinsipyo ha Biblia. Mahigugmaon nga aghata hiya nga maghimo hin mga pagbag-o tungod han iya gugma kan Jehova.—Pr 27:11; Ju 14:31