KON KAY ANO NGA IMPORTANTE: An mga dinihogan ngan an iba nga mga karnero nag-aaghat ha tanan nga klase hin tawo nga ‘kumuha han tubig han kinabuhi nga waray bayad.’ (Pah 22:17) Inin simboliko nga tubig nagrirepresentar han tanan nga tagana ni Jehova basi matalwas an masinugtanon nga mga tawo tikang ha sala ngan kamatayon. Basi mabuligan an mga tawo nga iba-iba an kultura ngan relihiyon, kinahanglan ipresentar naton an “waray kataposan nga maopay nga sumat” ha paagi nga makakapainteres ha ira.​—Pah 14:6.

KON PAONAN-O ITO BUBUHATON:

• Pagpili hin topiko ngan teksto nga makakabantad han kasingkasing han mga tawo ha iyo teritoryo. Puydi ka magpili hin sampol nga pakiistorya o iba nga epektibo nga presentasyon. Ano nga mga topiko ngan teksto an ira naruruyagan? May-ada ba bag-o nga balita nga gin-iiristoryahan han mga tawo? Ano an makakapainteres ha usa nga lalaki o babaye?

• Ig-upod ha imo pakiistorya an pangumusta ngan kustomre nga komon ha iyo lugar.​—2Co 6:3, 4

• Magin pamilyar ha mga publikasyon ngan video nga aada ha aton Toolbox ha Pagpanutdo nga maipapakita ha usa nga interesado

• Pag-download hin mga publikasyon ngan video ha yinaknan han mga tawo nga posible mo makaistorya ha iyo teritoryo

• Ipahiuyon an imo topiko ha panginahanglan han tagbalay. (1Co 9:19-23) Pananglitan, ano an imo sisidngon kon hinbaroan mo nga namatayan pa la hiya hin hinigugma?

KITAA AN VIDEO, NGAN BATONA AN MASUNOD:

• Ano nga topiko an siyahan nga gin-gamit han magwarali ha iya pakiistorya ha tagbalay?

• Ano an nahitatabo ha kinabuhi han tagbalay?

• Hain ha mga teksto an maangay ha iya kahimtang, ngan kay ano?

• Paonan-o mo maipapahiuyon an imo presentasyon basi mainteres hito an mga tawo ha iyo teritoryo?