Hadto, may mga panahon nga ginbuligan han sekular nga mga awtoridad an katawohan ni Jehova. (Ezr 6:1-12; Est 8:10-13) Bisan ha moderno nga panahon, nakikita naton nga ginlalamoy han “tuna”​—mga elemento hini nga sistema nga mas makatadunganon—​“an salog” han mga pagkontra nga ginpahinabo “han dragon” nga hi Satanas nga Yawa. (Pah 12:16) Mahimo pagiuson ni Jehova, an “Dios nga nagtatalwas,” an mga magmarando nga tawo basi buligan an iya katawohan.​—Sal 68:20; Pr 21:1.

Pero ano man kon mapriso ka tungod han imo pagtoo? Ayaw gud pagruhaduha nga ginbabantayan ka ni Jehova. (Ge 39:21-23; Sal 105:17-20) Sarig nga babalosan ka tungod han imo pagtoo ngan an imo integridad nakakaparig-on ha kabugtoan ha bug-os nga kalibotan.​—Fil 1:12-14; Pah 2:10.

KITAA AN VIDEO NGA GINPAGAWAS HA PRISOHAN AN KABUGTOAN HA KOREA, NGAN BATONA AN MASUNOD:

• Kay ano nga yinukot nga brother an ginpriso ha South Korea ha sulod hin damu ka tuig?

• Ano nga mga desisyon ha korte an nakabulig basi makagawas hin temprano an pipira nga brother?

• Paonan-o kita makakabulig ha kabugtoan ha bug-os nga kalibotan nga priso yana tungod han ira pagtoo?

• Paonan-o naton sadang gamiton an kagawasan nga napapahimulsan naton yana?

• Hin-o an nagpapahinabo han mga kadaogan naton ha korte?