An imo ba edad 23 tubtob 65 ngan aada ha bug-os-panahon nga pag-alagad? Maopay ba an imo kahimsog ngan kaya mag-alagad diin daku an panginahanglan hin magwarali? Kon oo, nahunahuna mo na ba mag-aplay ha School for Kingdom Evangelizers? Tikang han siyahan nga klase, yinukot na nga mag-asawa ngan solo nga mga brother ngan sister an nag-aplay. Pero kinahanglan namon hin mas damu nga solo nga brother nga mag-aaplay. Hangyoa hi Jehova nga patuboon an imo hingyap nga lipayon hiya ngan subaron an iya Anak. (Sal 40:8; Mat 20:28; Heb 10:7) Ngan paghimo hin mga paagi nga maibanan an imo sekular o personal nga mga obligasyon basi magin kwalipikado.

Ano nga mga pribilehiyo ha pag-alagad an nakarawat hadton naggradwar hini nga eskwelahan? An pipira igintoka ha mga lugar nga may iba nga yinaknan o ha special metropolitan public witnessing. An iba naman nagin substitute nga paramangno han sirkito, paramangno han sirkito, o misyonero. Samtang ginpapamalandong mo kon ano pa an imo mahihimo ha pag-alagad kan Jehova, hinaot magkaada ka disposisyon nga pariho han kan propeta Isaias nga nagsiring: “Aadi ako! Sugoa ako!”​—Isa 6:8.

KITAA AN VIDEO NGA MGA MISYONERO​—MAG-ARANI HAN ARANIHON, KATAPOS, BATONA AN MASUNOD:

• Paonan-o ginpipili an mga misyonero?

• Ano an mag-opay nga ginbubuhat han mga misyonero?

• Ano an mga bendisyon han pagin misyonero?