Karuyag naton nga saribohan an aton gintanom nga liso han kamatuoran. (1Co 3:6) Kon may nabibilngan kita nga interesado, maopay nga magbilin kita hin pakiana nga aton paghihisgotan ha aton pagbalik. Mabulig ini basi pamulaton han tagbalay an aton pagbalik ngan magin masayon an aton pagpangandam para ha pagbalik-bisita. Kon makaistorya naton hiya utro, mahimo kita sumiring nga binalik kita basi batunon an aton iginbangon nga pakiana ha aton siyahan nga pagbisita.

• Kon nag-aandam hin presentasyon ha pagbalay-balay, pag-andam liwat hin pakiana nga imo babatunon ha imo pagbalik-bisita. Mahimo mo gamiton an pakiana nga basado ha usa nga topiko nga ginhihisgotan ha publikasyon nga imo igintatanyag, o usa nga pakiana nga ginbabaton ha usa han aton aradman nga publikasyon nga mahimo mo hisgotan ha imo pagbalik.

• Antes mo tapuson an imo pakiistorya ha usa nga interesado, sumati hiya nga karuyag mo hiya makaistorya utro ngan katapos ibangon an imo inandam nga pakiana. Kon posible, aroa an iya adres ngan numero han telepono.

• Kon nakigsabot ka ha tagbalay nga mabisita ka ha espisipiko nga adlaw ngan oras, tumana ito.—Mat 5:37.