Igintagna han Biblia nga pagtitimarauton kita ni Satanas ha pangalimbasog nga pugngan an aton ministeryo. (Ju 15:20; Pah 12:17) Paonan-o kita makakabulig ha aton kabugtoan ha iba nga lugar nga nag-aantos hin pagtimaraot? Mahimo naton hira ig-ampo. “An pangamuyo han matadong nga tawo may gahum ngan epektibo.”—San 5:16.

Ano an aton mahimo iampo? Mahimo kita maghangyo kan Jehova nga tagan an aton kabugtoan hin kaisog ngan bulig nga diri mahadlok. (Isa 41:10-13) Mahimo liwat naton ig-ampo an pagtugot han mga awtoridad ha pagsangyaw nga buruhaton “basi padayon nga magkinabuhi kita nga mamingaw ngan murayaw.”— 1Ti 2:1, 2.

Han gintimaraot hira Pablo ngan Pedro, gin-ampo hira han siyahan-siglo nga mga Kristiano, ngan gin-unabi pa ngani an ira ngaran. (Buh 12:5; Ro 15:30, 31) Bisan kon diri kita maaram han ngaran han tanan nga gintitimaraot yana, mahimo ba naton unabihon an ira kongregasyon, lugar, o nasud?