An Mateo kapitulo 8 ngan 9 naghihisgot mahitungod hin usa ka bahin han ministeryo ni Jesus ha rehiyon han Galilea. Han nanambal hi Jesus, iya iginpakita an iya gahum, kondi labaw pa hito, iya iginpakita an iya daku nga gugma ngan pagpaid ha iba.

1. Gintambal ni Jesus an usa nga may liprosi.—Mat 8:1-3

2. Gintambal ni Jesus an surugoon han opisyal nga sundalo.—Mat 8:5-13

   Gintambal niya an ugangan nga babaye ni Pedro.—Mat 8:14, 15

   Nagpagawas hiya hin mga demonyo ngan nagtambal hin mga may sakit.—Mat 8:16, 17

3. Ginpagawas ni Jesus an magpintas nga demonyo ngan ginpasulod hira ha mga baboy.—Mat 8:28-32

4. Gintambal ni Jesus an usa nga paralitiko.—Mat 9:1-8

   Gintambal niya an babaye nga kumapot han iya bado ngan ginbanhaw an anak ni Jairo.—Mat 9:18-26

   Nagtambal hiya hin buta ngan ngula.—Mat 9:27-34

5. Ginlibot ni Jesus an mga syudad ngan mga baryo ngan nanambal han tanan nga klase hin sakit ngan depekto ha lawas.—Mat 9:35, 36

Paonan-o ako magigin mas mahigugmaon ngan mapinairon ha iba?