Ano an imo mga ginkakabarak-an ha adlaw-adlaw? Ulo ka ba han pamilya nga may damu nga responsabilidad? Solo ka ba nga kag-anak nga nangangalimbasog ha pagtagana ha imo pamilya? Batan-on ka ba nga ginbu-bully ha eskwelahan? Nag-aantos ka ba hin sakit o hin mga epekto han kalagas? An kada tagsa naatubang hin mga problema. Damu nga Kristiano an nagdudurungan pa ngani an mga problema. Pero maaram kita nga diri na mag-iiha mawawara na ini ngatanan.​—2Co 4:16-18.

Samtang waray pa ito, maliliaw kita ha paghibaro nga nasasabtan ni Jehova an aton mga ginkakabarak-an, gin-aapresyar niya an aton pagkamaunungon ngan pagpailob, ngan bibendisyonan gud kita niya. (Jer 29:11, 12) Hi Jesus liwat interesado ha aton kaopayan. Samtang gintutuman naton an aton Kristiano nga mga obligasyon, ginpapasarig kita niya: “Kaupod niyo ako.” (Mat 28:20) Kon ginpapamalandong naton an tiarabot nga kagawasan nga ihahatag han Ginhadian han Dios, napaparig-on an aton paglaom ngan an aton determinasyon nga ilubon an aton mga problema yana.​—Ro 8:19-21.

KITAA AN VIDEO NGA SAMTANG NAGTITIKAHIRANI AN BAGYO, MAGPABILIN NGA NAKAPOKUS KAN JESUS!​—MGA BENDISYON HAN GINHADIAN HA TIDARAON, NGAN BATONA AN MASUNOD:

• Paonan-o an katawohan nahibulag ha Dios, ngan ano an nagin resulta hito?

• Ano nga mga bendisyon ha tiarabot an naghuhulat hadton matinumanon kan Jehova?

• Paonan-o nagin posible ini nga maopay nga kabubuwason?

• Ano nga mga bendisyon ha tiarabot nga bag-o nga kalibotan an imo gud ginpapamulat?