Kon usa ka nga Kristiano nga batan-on o Bible study, may-ada ka ba tumong nga magpabawtismo? Kay ano nga karuyag mo magpabawtismo? An dedikasyon ngan bawtismo amo an tinikangan han pagkaada espesyal nga relasyon kan Jehova. (Sal 91:1) Mahimo liwat ito makatalwas ha imo. (1Pe 3:21) Paonan-o ka mag-uuswag ngadto ha bawtismo?

Pamatud-i ha imo kalugaringon nga ini an kamatuoran. Kon may mga pakiana ka, mahimo ka mag-research. (Ro 12:2) Hibaroi an mga butang nga angay mo bag-uhon, ngan bag-oha ito tungod kay hingyap mo nga mapalipay hi Jehova. (Pr 27:11; Efe 4:23, 24) Pag-ampo pirme ha iya para hin bulig. Sarig nga paparig-unon ngan bubuligan ka ni Jehova pinaagi han iya gamhanan nga baraan nga espiritu. (1Pe 5:10, 11) Sigurado nga magigin bawi gud an imo mga pangalimbasog. An pag-alagad kan Jehova amo an pinakamaopay nga paagi han pagkinabuhi!​—Sal 16:11.

KITAA AN VIDEO NGA AN DALAN NGADTO HA BAWTISMO, NGAN BATONA AN MASUNOD:

• Ano nga mga ulang an nalamposan han pipira basi mabawtismohan?

• Paonan-o mo makukultibar an pagtoo nga ginkikinahanglan basi maidedikar an imo kalugaringon kan Jehova?

• Ano an nakaaghat ha pipira nga himoon an mga pitad nga ginkikinahanglan para mabawtismohan?

• Ano nga mga bendisyon an nakarawat hadton nagdesisyon nga mag-alagad kan Jehova?

• Ano an iginpapasabot han dedikasyon ngan bawtismo?