Pirme ba maaram hi Jehova kon ano an pinakamaopay para ha aton? Syempre! Tungod kay natoo kita hini, iginpapakita naton an kinaadman kon ginsusunod naton an iya paggiya. (Pr 16:3, 9) Pero bangin masarihan an aton pagsarig ha iya paggiya kon iba ito ha aton panhunahuna. Mapaparig-on naton an aton pagsarig ha kinaadman ni Jehova pinaagi ha pagpamalandong ha iya mga linarang.​—Pr 30:24, 25; Ro 1:20.

KITAA AN VIDEO NGA MAY-ADA BA NAGDISENYO HITO? PAONAN-O NALILIKAYAN HAN MGA TUBAK AN TRAPIK? NGAN BATONA AN MASUNOD:

• Ano an adlaw-adlaw nga rutina han kadam-an nga tubak?

• Paonan-o nalilikayan han mga tubak an trapik?

• Ano nga mga prinsipyo may kalabotan ha trapiko an masusubad han mga tawo ha mga tubak?

KITAA AN VIDEO NGA MAY-ADA BA NAGDISENYO HITO? AN KONTROLADO NGA PAGLUPAD HAN BUMBLEBEE, NGAN BATONA AN MASUNOD:

• Ano nga mga problema an gin-aatubang han mga tawo kon nagpapalupad hin gudtiay nga eruplano?

• Paonan-o natitipigan nga kontrolado han bumblebee an iya paglupad?

• Ha tiarabot, paonan-o mahimo makapahimulos an mga tawo ha natural nga kinaadman han bumblebee?

Ano nga ebidensya han kinaadman ni Jehova an imo nakikita ha mga linarang ha iyo lugar?