An mga katirok importante nga bahin han putli nga pagsingba. (Sal 22:22) An ngatanan nga nagkakatirok basi magsingba kan Jehova nagkakaada kalipay ngan bendisyon. (Sal 65:4) Kasagaran na nga mas madagmit mag-uswag an mga estudyante ha Biblia kon regular hira nga natambong ha mga katirok.

Paonan-o mo mabubuligan an imo mga estudyante ha Biblia nga tumambong ha mga katirok? Padayon nga imbitara hira nga tumambong. Ipakita ha ira an video nga Ano an Ginbubuhat ha Kingdom Hall? Isaysay an mga kapulsanan han mga katirok. (lff leksyon 10) Mahimo mo ig-istorya an espisipiko nga punto nga imo nahibaroan ha katirok o an hihisgotan ha tiarabot nga katirok. Tagi an imo mga estudyante han mga publikasyon nga gagamiton. Paghatag liwat hin praktikal nga bulig. Bangin kinahanglan hira updan ngadto ha katirok. Bawi gud an anoman nga imo paningkamot kon tumambong na ha siyahan nga higayon an imo estudyante.—1Co 14:24, 25.

KITAA AN VIDEO NGA BULIGI AN IMO MGA ESTUDYANTE HA BIBLIA NGA TUMAMBONG HA MGA KATIROK, NGAN BATONA AN MASUNOD:

• Ano nga oportunidad an gin-gamit ni Neeta basi imbitaron hi Jade ha katirok?

• Kay ano nga nalilipay kita kon natambong ha mga katirok an usa nga estudyante ha Biblia?

• Ano an naeksperyensyahan ni Jade han tumambong hiya ha katirok ha siyahan nga higayon?