Basi magin sangkay ni Jehova, an mga estudyante ha Biblia kinahanglan magpili hin mag-opay nga kaupod. (Sal 15:1, 4) An mag-opay nga kaupod mag-iimpluwensya ha ira nga buhaton an tama.​—Pr 13:20; lff leksyon 48.

Ha pagbulig ha imo mga estudyante nga maglikay ha magraot nga kaupod, pagpakita hin empatiya. Bangin makurian hira nga bayaan an kalibotanon nga kasangkayan. Salit ipakita liwat ha ira an tinuod nga personal nga interes ha mga adlaw nga diri kamo nag-aaram han Biblia. Puydi mo hira i-text, tawagan, o bisitahon. Samtang nag-uuswag hira, mahimo mo hira imbitaron basi makaupod an katawohan han Dios. Hito nga paagi klaro nga makikita nira nga mas damu gud an ira nakakarawat kay han nawawara ha ira. (Mar 10:29, 30) Ikaw liwat malilipay kon nakikita mo nga nagtitikadaku an pamilya ni Jehova.

KITAA AN VIDEO NGA BULIGI AN IMO MGA ESTUDYANTE HA BIBLIA NGA MAGLIKAY HA MAGRAOT NGA KAUPOD, NGAN BATONA AN MASUNOD:

• Ano an magraot nga kaupod?​—1Co 15:33

• Ano an naimadyin ni Jade nga nahitatabo ha Kristiano nga pagturotarampo?

• Paonan-o ni Neeta ginbuligan hi Jade nga saliwnan an magraot nga kaupod?