Enero 15-21
JOB 36-37
Karantahon 147 Ngan Pag-ampo | Introduksyon (1 min.)
1. Kon Kay Ano nga Makakasarig Ka ha Saad han Dios nga Kinabuhi nga Waray Kataposan
(10 min.)
Hi Jehova mismo nabubuhi ha waray kataposan (Job 36:26; wp16.1 9 ¶1-2)
Hi Jehova may kinaadman ngan gahum basi makasustiner han kinabuhi (Job 36:27, 28; w20.05 22 ¶6)
Hi Jehova nagtututdo ha aton kon paonan-o magkakaada kinabuhi nga waray kataposan (Job 36:4, 22; Ju 17:3)
An marig-on nga pagtoo ha saad han Dios nga kinabuhi nga waray kataposan nabulig ha aton nga makaya an makuri nga mga problema.—Heb 6:19; w22.10 28 ¶16.
2. Espirituwal nga mga Hiyas
(10 min.)
-
Job 37:20—Ha panahon han Biblia, ha ano nga paagi kaurogan nga nasusumatan an mga tawo han mga balita ngan mga impormasyon? (it-2-TG 763 ¶1)
-
Ano nga espirituwal nga hiyas an imo nahibaroan tikang ha pagbasa ha Biblia yana nga semana?
3. Pagbasa ha Biblia
(4 min.) Job 36:1-21 (th aradman 2)
4. Pagtikang ha Pakiistorya
(3 min.) PAGSANGYAW HA PUBLIKO. (lmd leksyon 3 punto 3)
5. Pagbalik-Bisita
(4 min.) NASANGYAWAN HA BALAY-BALAY. (lmd leksyon 2 punto 5)
6. Pagsaysay han Imo mga Gintotoohan
(5 min.) Pahayag. ijwfq-TG 57 ¶5-15—Tema: Kay Ano nga Gintimaraot an mga Saksi ni Jehova ha Panahon han Holocaust? (th aradman 18)
Karantahon 49
7. Magin Andam ha mga Sitwasyon nga Nagkikinahanglan hin Medikal nga Pagtambal o Operasyon
(15 min.) Pakighisgot. Dudumarahon hin usa nga tigurang.
An organisasyon ni Jehova nagtatagana hin mga garamiton nga mabulig ha aton nga sugton an balaud han Dios may kalabotan ha dugo. (Bu 15:28, 29) Ginagamit mo ba ito hin maopay?
Durable Power of Attorney (DPA) Card Ngan Identity Card (ic): Ini nga mga kard nagsasaysay han mga karuyag han usa nga pasyente may kalabotan ha paggamit hin dugo ha pagtambal. An bawtismado nga mga magwarali mahimo umaro ha literature servant hin DPA card para ha ira kalugaringon ngan hin Identity Card para ha ira minor de edad nga mga anak. Ini nga mga kard dapat pirme naton dara. Kon kinahanglan mo magpil-ap o mag-update hito, himoa ito dayon.
Impormasyon Para ha mga Burod (S-401) Ngan Information for Patients Requiring Surgery or Chemotherapy (S-407): Ini nga mga dokumento mabulig ha aton nga magin mas andam para ha aton medikal nga pagtambal upod na an mga butang nga nahidadabi an paggamit hin dugo. Paghangyo ha iyo mga tigurang hin kopya han angayan nga dokumento kon burod ka o kon nagkikinahanglan hin operasyon o pagtambal ha kanser.
Hospital Liaison Committee (HLC): An mga membro han HLC kwalipikado nga mga tigurang nga gin-train basi maghatag ha mga doktor ngan magwarali hin impormasyon ha mga butang may kalabotan ha dugo. Mahimo hira makiistorya ha imo doktor mahitungod han available nga alternatibo nga mga pagtambal basi malikyan an pagpaabuno hin dugo. Kon ginkikinahanglan, makakabulig hira nga makabiling ka hin doktor nga igrirespeto an imo desisyon. Puydi mo hira kontakon bisan san-o. Available hira 24 ka oras kada adlaw, 7 ka adlaw kada semana. Kontaka dayon an HLC kon kinahanglan mo magpahospital, magpaopera, o magpaterapi—sugad han pagtambal ha kanser—bisan kon an sitwasyon baga hin diri nagkikinahanglan nga gumamit hin dugo. Aplikado liwat ini ha mga burod. Kon kinahanglan mo hin bulig, paghangyo ha usa nga tigurang nga tagan ka han impormasyon kon paonan-o makukontak an HLC.
I-play an VIDEO nga Mga Hospital Liaison Committee—Paonan-o Hira Nabulig? Katapos, pakianhi an mamarati:
Paonan-o makakabulig ha imo an HLC kon umatubang ka hin sitwasyon nga bangin magkinahanglan hin medikal nga pagtambal o operasyon?
8. Pag-aram ha Biblia han Kongregasyon
(30 min.) bt kap. 4 ¶9-12, kahon ha p. 38
